قولولي كيفاش نحافظ على الكسكس باش ميفسدليش ساعدوني

انا نفضل الكونجيلاتور


حطيه في حاجة محكمة الاغلاق والكونجلاتور وزيدي شفوي اراء اخواتي

كيفاه فالكونجيلاتور يعني هكداك يابس نحطو في علبة ونحطو فيه؟

والله لست ادري اختي رقية انا اظن ان الكسكس اذا كان مجفف مليح مرايحش يفسد بالتخزين
ممكن البنات يفيدوك انشاء الله

الفراشة الوردية29 كتب:

والله لست ادري اختي رقية انا اظن ان الكسكس اذا كان مجفف مليح مرايحش يفسد بالتخزين
ممكن البنات يفيدوك انشاء الله

يعطيك الصحة حنونة والله حرت كيفاش[b]

الكسكس حطيه في كيس كتان وحطي حبات الفلفل الاسود معاه مايفدس باعديه على اماكن الرطوبة

شكرا حبيبتي فايزة يعطيك الف صحة

والله الاخت فايزة اعطاتك الطريقة الصحيحة نحنا ماما عندها الكسكسي تاع ثلاث سنين ماتحطيشو في الكوزينة

اختيييي رقيه الكسكسي اليابس ضعيه في كيس الي يمكن من خلاله يدخل الهواء يعني لو تخيطي كيس من الكتان يكون احسن و حطي في الكسكسي انتاعك حبات فلفل اسود و ورقات رند اما المكان فمن المستحسن يكون مهوي و يارد هذه هي تجربتي الخاصه و راهو يشد بالعامين و ما يتغير فيه لا طعم و لا رائحه
و زيدي شوفي مع الأخوات و مع تجارب أخرى

بارك الله فيكم حيباتي lilizelande WOROOD
وربي يعطيكم واش تتمناو

كيما قتلك حبيبتي الكسكس اذا عندك الرطوبة ما تملحيهش في الفتيل خاطر يزراق من الملح والرطوبة افتليه مسوس وكي تخبي حطيه في كيس اكون يدخل الهوا احنا مؤخرا عدنا انحطوه في شكارة انتاع الدقيق يعني المربعات هذوك ادخلو الهوا وخبيه في مكان مافيهش لا رطوبة ولا سخانة مكان اكون بارد ونسيت انقولك حطي في الكسكس حبات فلفل احمر يابس بعدما تدقيه شوية يعني يقعد اطراف وزريعة وكي تحبي تستعملي فوتيه في الغربال والله بهذ الطريقة نضمنلك مايتحركش لا طعم لا والو انا عجوتي تستعمل هذ الطريقة والله الكسكس ادور عليه العامين اتصدقو واتعاود تفتل واحد خاطر ماياكلوش الكسكس انتاع السميد غير في المناسبات وكي اتشوفواحد الله غالب تعطيه ولا في وفاة اهوه يدوه اما عند يما نستعمل نفس الطريقة بصح الكسكس اطير في السما كي انروحو عندها هجوووووووم مضاد الاحفاد برك راهم في 37 حفيد بلا الامهات والعرايس هههههههههههه

شكرا حبيبتي بيبيــــــــــــــشة ربي يشفيك ويشفيلك بنتك

انا نحط الفلفل الاسود والفلفل الحمر اليابس

السلام عليكم يا اختاه حطى الكسكس فى مكان جاف اولا ثانيا داخل علبة محكمة الغلق او كيس اهم شىء ميكونش فى الرطوبة ثالث شىء حطى فيه حبات فلفل اسود و فلفل احمر حار يابس و مرا على مرا خرجيه للشمس