ارجو المساعدة فى ترتيب جهازي

انا نقلك لي عملتو لأحد البنات بطلب منها
هي يتيمة وخواتاتها ميعرفوش وزوجات الاخ محبتش تطلب منهم فطلبت مني تنظيم جهازها
اولا متخلطي والو
تعملي فاليز قنادر التصديرة وحدها وبدون متغلفيهم نظن لأنك راح تستعمليهم في العرس بعد
وفاليز الاحذية مع حقائبهم وحدهم الخاصين بالتصديرة
وفاليز او اثنين حسب وش راكي مادية تع ملابس البيت يكونو كلهم مغلفين بالسيلوفان او ساشيات شفافين وتلفي عليهم الدبلة سوا المخيطين ولا المشريين
وفاليز لملابسك الداخلية وحدهم
وفاليز خاصة بحجاباتك وملابس الخروج
وراكي عارفة اختي الفاليز الخاصة بك يوم الدخول يكون فيها لباسك الداخلي الدوبل ولباس يوم الصباح تعرفي في الجزائر نعملو قندورة خاصة بيوم الصباح
تلبسيها بعدما تنحي الغوب دو شومبر تاعك
ومستحضرات التجميل والحمام تقدري تقسميهم في سلات مغلفين نظن شفتيهم في النت تشريهم ولا تخدميهم وحدك
وكذالك سلات لأحذيتك اليومية وبلايغ البيت كذالك تتزين
ويبقى اختي المخايد كلهم لي عندك يتحشاو ويتزينو بالدبل والورود
والبساطات الا تدو والكوفرليات يتزينو بالدبل وتخليهم على برا باش يبانو هههههه عندكي تخمليهم في الفاليزات
والكوفيرطات راكي عارفة لازم تدي سوا تسكني وحدك ولا مع العائلة
ارجو اني منكونش نسيت وش عملتلها واني نكون افدتك ولو بافكار
وان شاء الله الاخوات يزيد يفيدوك وتاخذي منهم افكار