عندي مشكل وحابة النصيحة اخواتي

السلام عليكم ورحمة الله وبركاته
واش راكم يا احلى بنات ان شاء الله الجميع بخير وعافية
حابة نفرغ قلبي عندكم على خاطر راني وحيدة اهلي بعاد عني نكلمهم بالهاتف برك مش قراب نشكيلهم همي
عندي عامين من تزوجت وعايشة مع عزوجتي وعم زوجي ساكن معانا متزوج وعنده مرتو ناس ملاح بصح بنتهم الكبيرة ماتحبنيش تكرهني
وكرهتني وضيقت روحي مع العلم والله ولا يوم زعجتها ولا ادخلت فيها بصح هي ربي يهديها طول تحفر ورايا وتتكلم عليا بالسوء
والان امها واخواتها تاني كيما هي بالضبط وانا ساكتة وحاملة في خاطر عزوجتي و زوجي بصح راني بالحمل وفي الشهر السابع
وراني تعبانة ومتوحشة اهلي وفوق هذا هما مرين عليا بتصرفاتهم اللي للان مش فاهمة علاه راهم يعملوا فيا هكذا
مع العلم هما بكوزينتهم وانا وعزوجتي بكوزينتنا هكذا ومش عاتقيني
دبروني ساعدوني صبروني المهم قولولي حاجة
وربي يجزيكم عني خير الجزاء
وبارك الله فيكم

يا أختي وش راحلك فيهم
أختي في الحياة الزوجية توجد أولويات
ألولى أن تهتمي بزوجك و تطيعيه ثم أطفالك تربيهم أحسن تربية
ثانيا أهل زوجك أمه أبوه إخوته و أخواته لابد من إحترامهم وخصوصا والديه و أن لا تكوني سببا في قطع العلاقة بين زوجك و أهله.أو عقوقه لوالديه .

ونفس الإحترام تقدميه لعم زوجك و اهله طبعا و حسن العشرة معهم .

وليس عليك أن تتأثري بكره أهل عم زوجك خصوصا إذا كان زوجك يحبك و يهتم لأمرك .

يعطيك الصحة اختي allaboua2 على النصيحة ربي يبارك فيك
بصح انت تكوني عايشة معاهم ويضايقوك في كل وقت كيفاه ماتتاثريش مستحيل
انا من مدة وعلى هذه الحالة ربي يكون بالعون
اشكرك من كل قلبي على ردك جزاك الله كل خير

كان الله فى عونك و اتمم حملك بكل خير
الصبر يا اختى و ان شاء الله يفرج ربى و يبعد عنك كل اذى

كيما قالتلك الاخت allaboua2 ماتشغليش بالك بيهم لن فترة الحمل حساسة والجنين يتأثر بكل ماتشعرين به انت

فالمهم هو صحتك وصحة البيبي ومادمتي متفاهمة مع زوجك وعجوزتك الاخرين مايهمةكش بزاف هم صلة رحم لزوجك ماتقاطعيهمش لكن

ديري روحك ماسمعتي والو النار اذا زدناها حطب تزيد تشعل لكن اذا خليتها تطفى وحدها

واستعيني بالدعاء وان شاء الله يصرف الله عنك بلائهم

واشغلي روحك بالبيبي القادم وجديلو احتياجاتو وانت وجدي للنفاس نتاعك وافرحي بيه ومايهمكش الباقي وعملت طيب انك ماخبرتيش اهلك لأنهم يتحيرو عليك

وربي يسهلك ولادك ونسمعو عليك اخبار طيبة
واعانك الله على ماانت فيه

الجئي الى الله عز وجل اختي واكيد ربي معااك وعلى حسب نيتك
قلتي بلي على خاطر زوجك وعجوزتك غير على هذا الكلمة واش تسوى وتاكدي هذا غير امتحان من الله عز وجل واصبري يا اختي والله مع الصابيرين
والله اذا حب عبده ابتلاه كاين لي يبتليه بي المرض وكاين بي المال وكاين العيشة لي عايشها مع الاهل وكاي وكاين ......... الح

حبيبتي اضن الاخوات كفو و وفو ماعليك الا الصبر و ماتهتميش بواش يديرو عنك امور اهتمي بيها زوجك عجوزتك و ابنك اللي في الطريق

حاولي مرات تكسبي ودهم بهديو فالهدية لها تاثير كبير على النفوس و لو كانت حتى حلوى شاركيهم بيها و ربي يهديهم و يكفيك شرهم

ربي ييسر لك مخاضك و يرزقك و لد سليم معافى

ربي يهديهم اختي و يفرج عليك

الله يفرج همك وغمك وكربك ويسلكك على خير اختي

يااختي يقولوا الصبر مفتاح الفرج وين راهي المراة اللي ماشفتش الغبينة و مارفدتش الدل و الاهانة في خاطر اللي تحبهم ودري في بالك الدبانة ماتقتلش غير تخوض القلب و نباح الكلاب لا يضر بالسحاب الصبر يااختي

» [تم الحل] عندي مشكل في الدخول لعلبة الرسائل والخروج من المنتدى
» مشكل في التسجيل
» مشكل النقاط السوداء في الوجه