منظفات المنزل ومن تجاربي الخاصة

لبنات ليوم رايحة نمدلكم وش عندي وش نستعمل في الدار من منظفات يعني من تجاربي الخاصة
نبدالكم بالكوزينة وهي اهم ركن في الدار ونموووووووووووت عليها
بالنسبة للكويزينيار انا نستعمل DECAP FOUR وهدي صورته[ندعوك للتسجيل في المنتدى أو التعريف بنفسك لمعاينة هذه الصورة]
نحطو ونخليه مدة 5 دقايق ونرجعلو والله تخرج تهبل ولكن مانستعملوش يومي نديرو مرة فقط في الاسبوع والباقي نغسل ب AIGLE ونديروحتى لماعن يساعدني بزاف في
يديااما للارضيات نستعمل مكشط الارضيات نظاف هايل للارض مبصح يخلي الدنيا شوية شهبة كي نكمل بيه ندير [ندعوك للتسجيل في المنتدى أو التعريف بنفسك لمعاينة هذه الصورة] VIGOR يعجبني بزاف وتبقى ريحتو مليحة
للفايونس نستعمل تاني نظاف وللماعن كيما لاكوكوط نستعمل نظاف ثاني مبصح قالولي العملاق جال [ندعوك للتسجيل في المنتدى أو التعريف بنفسك لمعاينة هذه الصورة] مليح بزاف ولكن انا ماجربتوش للماعن جربتو للدوش والتوالات حاشاكم نغسلهم بيه يخرجو هايلين وريحتو مليحة
وللتسياق اليومي نستعمل vigor ولا test وهدي صورتو [ندعوك للتسجيل في المنتدى أو التعريف بنفسك لمعاينة هذه الصورة]

وبلا ما ننسى ملك البيت جافيل براف [ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيكي ريومو الله يعطيك الصحة اكيد بيتك راه يعم بريحت النقاء بارك الله فيك


من بعد ان شاء الله نصور انا بعض المنتوجات الي نستعملوها في بيتنا وننتظر باقي الاخوات لتعم الفائدة

عاشقة الجزائر كتب:

بارك الله فيكي ريومو الله يعطيك الصحة اكيد بيتك راه يعم بريحت النقاء بارك الله فيك


من بعد ان شاء الله نصور انا بعض المنتوجات الي نستعملوها في بيتنا وننتظر باقي الاخوات لتعم الفائدة

مشكورة غاليتي على ردك الجميل


ونتمنى المشاركة من كل الاخوات

كل وحدة تعطينا تجاربها الخاصة ونستفادو من بعضنا بعض

لبنات راني نسيت شريت ثاني detergent مليح بزاف للتسياق يخلي ريحتو 24 ساعة وقالولي تاني يديرو

قطرة في تشلال القش تبقى الريحة في الخزانة تهبل راني مازال ماجربتش في القش مي للتسياق هايل

يعطيك الصحة أختي ريمورا.. كنت نستنى في موضوعك المفيد.. بارك الله فيك.

شكرا لمرورك العطر غاليتي

كنت راح نقترح عليك نبداوا كل مرة بطرح مسحوق متخصص في حاجة.

مثلا... مزيل دهون الفرن و الأواني... كل واحدة تمد تجاربها
ثم نروحوا مثلا لمنظف الزجاج.. ثم منظف الخشب .. ثم معطر الجو... معطّر الأرضية.. مساحيق الحمّام .... الخ.

المهم نلقاوا مشاركات و تفاعل من عند باقي العضوات.

ريمورا... من فضلك.. أعطيني اسم المسحوق المعطر للأرضيات تاع 24 سا.

عندك الحق.. مكشط يخلي الدنيا شهبة... ما ماتحبنيش نديرو...

نصور مساحيقي و نحطهم.. مختلفين على تاوعك.

شكرا ليك حبيبتي على النصيحة
في محلها
المجرب احسن شئ
ربي يوفقك
نصيحتك ونصيحة سموحة نتحصلو على احسن ارضية
ربي يجازيكم كل خير

بارك الله فيك ريمورا على طرحك القيم تقريبا نستعم ل نفس المنظفات

sammouha كتب:

كنت راح نقترح عليك نبداوا كل مرة بطرح مسحوق متخصص في حاجة.

مثلا... مزيل دهون الفرن و الأواني... كل واحدة تمد تجاربها
ثم نروحوا مثلا لمنظف الزجاج.. ثم منظف الخشب .. ثم معطر الجو... معطّر الأرضية.. مساحيق الحمّام .... الخ.

المهم نلقاوا مشاركات و تفاعل من عند باقي العضوات.

سموحة معليش فكرتك مليحة نفصلو الموضوع ونديرو كل مرة موضوع مخصص لكل مادة منظفة مع تجارب الاخوات كل وحدة منا تحط وش تستعمل

للرفع

بارك الله فيك

مسحوق معطر الارضيات لي تدوم ريحتو 24 سا هو DETERGENT FLORALE ROSE

ماعنيش باه نصورلك اسمحيلي

هو قرعة شوية صغيرة ويتباع ب 25 الف وادا بغيتي نعتلك من عند من شريتو راهو من باتنة

يعطيك الصحة ريمو والله ليك وحشة يالغالية ربي يحفظك ويحفظلك وليداتك يارب
موح موح موح
وديمة متميزة الله يبارك والموضوع انتاعك والله شيق واكيد راح نتبادلو بزااف تجارب
بالنسبة للمنظفات انتاع البيت تقريبا رانا كيف كيف
مي مرات نستغنى عنهم وندير طريقة روعة وخطيرة

يعني لازم يكون عندنا البديل والاحتياط
انا نستعمل خلطة سحرية ورائعة ومفعولها قوي ومضمون ويبهر
شوية جافيل وخل وبيكاربونات في ماء
يلمع الفيونس وتوالت والدوش روعة مانقولكش والارضية تخلع وتشوفي العجب والماعن تحبي غير تتفرجي
والله انا نفعتني بزااف ومرات نستغنى عن كل المنظفات ونستعمل طريقتي
نتمنى افدتكم وعندي المزيد كي نولي ان شاء الله

خلاص.. راني شفيت على الماركة.. نحوس عليها و نجربها أكيد.

بتووول.. يعطيك الصحة... خلطة تاعك مليحة اقتصادية و فعّالة و ما تضرش الجلد أو تعمل حساسية..

ماما تعرف هذو الخلطات..

جزاك الله خيرا... في انتظار مساهماتك المفيدة.

شكرا اختي بتول رايحة نجرب الخلطة نتاعك بارك الله فيك ونستغناو شوي عن الكيماويات خصوصا المكشطات

مشكورة حبيبتي

بارك لله فيك

يسلموا جزاكن الله خيرا

شكرااا شكرا لكم على المعلومات القيمة والمفيدة انا استعمل pliz لتنضيف الحطب ريحته مليحة وميتركش الحطب مزيت

اسعدني مروركن غالياتي

صح كلهم منظفات فعالة و سيرتو العملاق

شكرا غاليتي