please please ارجو المساعدة

اخواتي بعد اطلاعي على الركن الجديد الخاص بالتدابير المنزلية والذي استفدت منه كثيرا
اردت ان اطرح عليكن انشغالي راجية منكن مساعدتي
انا بالبيت لدي ارضية عبارة عن كارلاج قرانيطو وطالما اجتهد في تنظيفها للحصول على نتيجة مرضية واستعملت العديد من المنظفات لكن لم تاتي بنتيجة جيدة
خصوصا ان لون الارضية بني بحيث لا تظهر عليها اثار النظافة وتظهر عليها بسرعة اثار الاوساخ لمن لها فكرة او تجربة او تدبيرة تفيدني بها جزاها الله كل خير
دمنا لبعض احبة
شكرا

في دار اهلي اهلي كان عندهم هاد الكرلاج يما مسكينة تبات تحك فيه والو حتان بدللاتو دال دوصول


والله ماعندي فكرة الا كنت قادرة بدليه احسن

حبيبتي... كارلاج قرانيطو ما عرفتوش... اذا تقدري تصوريهولي..

والله نقولك... نسأل ماما ممكن تعرفو.... خسارة.. الآن راهي راقدة

المهم.. نسألها و نرجعلك الخبر.

احنا معندناش في الدار عندنا في الكراج مي نعرف بلي ينطفوه بكربونات ينحي الاوساخ لفيه

وباستمرار رايح يبياض

ان شاء الله يفيدوك لبنات

شكرا ياغاليات
انا ساكنة في فيلا وحدة مع اهل زوجي وهما دايرين هاذ كارلاج شيخي ميحبش لادال دو صول يقول تزلج
المهم هي داروا منجموش نغيروا فيها بلا رضاه ههههههههههههه
صح فاطمة علاء جربت الخلطة السحرية انتاع حوراء بتول فيها بيكاربونات والله بان فيه التسياق
شكرا على مساعتكن وشكرا لحوراء بتول على النصيحة المفيدة جدا جدا