لجمالكي حبيبتي ولتكوني كل يوم اجمل و عروس فيس بيتك

اهلا
حبيت نفيد اخواتي ونعطيكم الشيئ الي نقدر عليه من وصفاتي الموجودة في بيت كل وحدة وهي غافلة عن اهميتها في جمالها ونضارة بشرتها خاصة مخمم
رانا نشوفو في مراكز التجميل شحال كثرو ولكن يبقى السعر الرهيب والغلا يصرع
وتاني النتيجة في اغلب الاحيان عادية ان لم اقل غير مرضية ويقولو لازمللك شحال من جلسة والجلسة الوحدة تسقام ب 400 الف
انا بصراحة يغيضوني الاخوات الي يخسرو وما يحصلوش على نتيجة تستحق المبلغ المدفوع على الاقل
علاه اختي الكريمة ما تعتنيش ببشرتك يومي وفي بيتك وباشياء بسيطة ومتواجدة عندك يومي
وعلى الاقل توفري دراهمك في شيئ تاني او تحطيهم في كريم جيد وينفع البشرة
لهذا انا حبيت نساعد كل اخت وحتى المقبلات على الزواج بل كل امراءة تحب الجمال انها تتحصل على البشرة الصافية المشرقة وتدعيلي بدعوة صالحة وربي يوفقنا الجميع ان شاء الله على فعل الخير ومساعدة بعضنا :اس:

الشرط الي نشرطو على الاخوات الي جربو اي خلطة او اي ماسك سوى من عندي او من عند الاخوات خبرونا ويقولونا النتيجة باه يتشجعو بقية الاخوات ونحفزوهم وااو



****************************************
نبدا باول جزء على بركة الله وهو البشرة الوجه
نضافة البشرة
هذا شيئ مهم لازم كل وحدة تركز عليه لانو راح تبقى ديمة مشرقة وصافية وخالية من الحبوب والبونوار

فيه اقنعة سهلة وجد بسيطة لنظافة البشرة


اول شيئ ....قناع الكمون....

الكمون المرحي وهو الي نديروه في الحمص باه تفهموني كامل ماشي الكمون الاكحل والي يقولولو السينوج او الحبة السوداء

عندنا 3 ملاعق صغيرة كمون مرحي
وماء مغلى وسخون طبعا

نحط 3 ملاعق كمون في كاس ونضيف ماء يكون غلى ونحطوه مباشرة في الكاس قد مانبلل الكمون ويكون عاقد لاحظو مالازملكمش تعمرو الماء بزاف يكون عاقد برك
وتغطوه حتى يبرد
تغسليوجهك نورمال بالماء فقط وامبعد تنشفي وامبعد تحطي الماسك باطراف اصبعك بشكل دائري
في الخدين والانف والجبهة والذقن وحتى الرقبة انتي حطي وحكي بالخفيف على بشرتك
رح تحسي بشوية حرقان راه عادي ماتخافيش يتنحى
ديري لوجهك كامل وابقي ديري المساج مدة 3 دقائق وامبعد غسلي وجهك عادي بماء فاتر
الي يبقى من الماسك عاودي ديريه في بشرتك بعدما تكوني نشفتيها وخليه حتى ينشف على بشرتك راه تقريبا راح يدي 7 دقائق
امبعد نحيه بيدك ماشي باصباعتيك ديري اصباعك الربعة مع بعض وحكي غير بشوية ونحي امبعد غسلي بماء فاتر وامبعد بماء ورد واذا مازالت الريحة ديري في الماء الفاتر شوية قارص قدر 3 ملاعق وغسلي تقدري تديري خل تفاىح تاني
وكي تكمي خلاص مسحي بماء ورد بالقطنة على وجهك
وهكذا تحصلتي على بشرة نضيفة ومشرقة

ودعوة مليحة للحوراء عجبني

هذا الماسك تقدرو تديروه كل يومين

اذا شفتو فيه شوية احمرار وكنتم مزروبين للخرجة ممررو على الوجه بقطعة ثلج


تابعوني في الاقنعة الموالية

YA3TIK ESSAHA

شكرررررررررررررررررررررررررررررررا

جزاك الله خيرا وان شاء الله يرزقك الذرية الصالحة ويعطيك ماتتمناي بانتظار جديدك

يعطيك الصحة اختى موضوع قيم وجد مهم

شكرااا

أختي حوراء... اليوم فقط شفت موضوعك...

والله هايل و مشكورة على الفكرة و على تعبك

نتيجة الماسك تاع الكمون.. شحال من مرة باش تبان النتيجة..؟؟

أنا راني ندير حاجة.. مرّة ما نعاودهاش...هههه

نجربو و نقولك على النتيجة.... و ما تحطي حتى ماسك حتى يتفاعلوا البنات معاك...

يعني خطوة بخطوة.

والله اول مرة نسمع بلي الكمون يدروه ماسك ان شاءا لله نجربو ونقولك يالفحلة

الله يعطيك ما تتمناي يا غالية

جربتو.. عجبني... لكن دارلي شوية احمرار خاصة في الخدود و الذقن.. لكن ثم ثم راح.

و لقيت صعوبة في المرحلة الثانية.. أنا نحط في وجهي و هو يطير.. ما حبش يبقى متماسك.. حتى انتبهت لأنو مش مرطّب مليييح

اليوم نزيد نعاودوا بعد ما نعاود نرحيه... و نزيد نرجعلك الخبر.

وجهي عجبني... حسيتو نظيف و أرطب... و أكيد النتيجة راح تزيد تبان مع التكرار و المداومة.

بارك الله فيك حبيبتي

ميرسي نرجوســــــــة يعطيك الصحه

بارك الله فيك اختي و جزاكي الله كل خير

اهلا سموحة وكل من وجد هنا
نتمنى يتفاعلو الاخوات
بالنسبة ليك سموحة راه لاز يكون الكمون مرحي مليح باه يعطيك نتيجة مليحة
وكي تكملي منو خلاص لازمللك تدهني وجهك بزيت جلجلان واستمري على هاذو برك وراح تدعيلي حنونة
ملاحظة برك
ديري الماسك كل يومين وعند الحاجة لانو راه ينضف البشرة مليح والبشرة لازملها شوية راحة
وافضل شيئ كل يومين او 3 ولمرة واحدة برك

يعطيك الصحة ربى يعطيلك ما تتمناي

تبارك الله عليك حنونة ربي يخليك

مشكورة

شكرا على المجهود راح نجربو باذن الله وربي يرزقك ما تتمناي

شكرااا

شكرا حوراء بارك الله فيك