هيا يا الشاطرة ادخلي نوريلك كيفاه تعاوني زوجك نهار العيد في الاضحية

allah ybarek 3lih service rapide hhhhhhh

منال طحتيلي على قلبي ههههههههههههههه

ابابا هي ترجف وهو يرجف معاها ههههههههههههههههه
بسم الله نبدا

حنا ندبحو في البالكو يبدا يربطلو رجليه القدامية والخلفية مع بعض

ثاني شيئينعتلي منين نحكم في الرقبة ويقول بسم الله والله اكبر انا في هاد الوقت ندخل حتان يكمل يتخبط

نحكم معاه الرجل باه يربطو ويبدا ينفخ كي يخلص نحكملو الرجل منين يبدا يسلخ

تاع العام الاول ماعندي مانحكيلك عليه ههههههههههههههههه شوي لحم في الجلد وشوي بقا فيه

وامبعد ينحيلو الراس ونعلقوه هو يكمل يسلخ وانا نجيب الماء السخون ونظف المكان مليح من الدم
اول حاجة نغسل الجلد ونديرلو اومو من جهة الجلد موش الصوف ونلمو ونخبيه في ساشي الى حين

وامبعد نبدا في اعمالي....................... لبناااااااااااااااات يعني كون نخطيه نهار العيد يضيع ههههههههههههههههههههههههه....مبصح يمر علينا حلوووووووووووووو يهبلللللللللللل

كل عام وانتن بالف بالف خيرررررررررررررررررررررررررررر

ماشاء ريمورا ربي يحلي ايامك حنونة

هههههههههههههه طلعت شاطرة يا ريمورا ما شاء الله عليك حنا كانت الوالدة ربي يحفظهالي هي اللي تعاون الوالد في السلخ لكن بعد العملية نتاع الظهر ماولاتش تعاونه ولينا حنا اللي نعاونوه
و نديروا كيما قلت ولا حرف ناقص و يفوت نهار هايل خاصة لما الأب هو اللي يذبح و يكونو أولاده و زوجته معاه يعاونوه و الله غير يفوت النهار شباب

صباح النور عليكموصح عيدكم مسبقا احنا انهار العيد يصرا فينا الباطل خاطر ماعندناش بلاصة نذبحو فيها ماعندناش الحوش نذبحو فم الباب اللي اطلع للدروج قيس 70سم عرض و1.5 متر في الطول يعني ضيق ماعندو نضير شيخي يذبح راجلي يخنق وانا نحكم الرجلين الاخرين ومن بعد غير اكمل يتخبط نغسلو البلاصة من الدم ويبداو يسلخو انا انقولهم اعطوني الراس انشوطو وما اجو هما اكملو للسلخ مع المكان ضيق انا انكون كملت شوط الراس وغسلتو واقسمتو في بعض الاحيان ومن بعد انزيدو الثاني ومن بعد نولو للدوارة وغسيلها وللجلد المهم انكملو انا وعجوزتي بالتقريت العصر مع التسياق انتاع الكولوار والكوزينة ديما اغدانا انا وياها على 4 مساءا انا انكمل برك تحكمني سخانة انروح تحت الغطا ونقعد خاصة كي اكون الحال بارد هههههه

يعطيك الصحة أخت منال على الفيديو ...لكن سامحيني والله ما قدرت نكمل نشوف ....دركا تقولي لي كيفاه تعملي نهار العيد

ما نكذبش عليك نهار العيد عندنا ميدان فارغ وراء الدار ....زوجي واخوته يجتمعو تما بحكم أننا نسكن قريبين من بعضنا و يتعاونو انا ما نشوف والو يجيني غير الراس مذبوح نبدا نشوط فيه وامبعد الكرشة نزيد انظفها ...كل واحد مرطو تتهلى في اعضاء الكبش تاعها ....غير تاع حماتي نتعاونو فيهم

وابعد يجي دور الكبدة والشواء ....الحق انا هادي ما نفوتهاش لكان كملت الله يبارك واكان مازال نحبس كلش ونحضر المائدة وزوجي يحضر الشواء ونتلمو مع ابنتي...

وهاد العام ما نعرف كيفاه تكتب لأن موعد ولادتي رايح يكون مع العيد لكبير ...ان شاء الله نفوتوه بالصحة والعافية

وكل عام وانتيب أخت منال وكل الأخوات ب بألف خير

يعطيك الصحة يا منووول

أول حاجة.. يا ريت تنقلي الموضوع لقسم تدابير العضوات


أفكارك تهبل

و عجبتني حكاية ببيشة.. شيخها يذبح و راجلها يخنق و هي تحكم الرجلين.. والله تخيلتها حتى عدت نضحك..

أنا كيما عرفين.. مازلت عند والديا..

بابا يذبح مع خويا الوسطاني... يد بيد.... و ثم ثم يكملوا.... خويا المازوزي... الرويجل زعمة.... يدير روحو زعمة يعاون.... واقف يصور.. ساعة يمس... ساعة يخرج... ساعة يدخل... يجيبلهم وش يحتاجو...

و خويا الكبير... يتقلش.... يلقى كلش واجد... غير يشم ريحة الشواء... يجي ياكل و خلاص.

أنا نكون نستنى غير الراس ... نبدى بيه ما بين يلحق الكرشة....
الحمد لله.. طريقة بابا مليحة... الكرشة يحافظ عليها و ما تتخلطش مع الأكل و الفضلات تاع الكرش...

يعني تجيني سهلة في التنظيف...

ديما نكملو مع الظهر أو بعدو شوي...

و الجزرة تبقى معلقة باش تنشف.... و من بعد يديها خويا للجزار مع الرّاس... يجيبها مقطعة علكيف..

أنا ما نعرفش نقطّع... و تبانلي مش راح نتعلّم... لانو يشد و يحب جهد... و انا ما نصبرش مع حوايج هكذا..

هههههههههههه موضوعك هايل منال

انا نعيد مع عجوزتي ربي يرحمها وسلافي واحد فيهم مايذبح المعم نحب وانا نستني وقتاش يتدبح


ملا راجلي تعلم يتكى عليه برك يعني يذبح برك ههههههههه وسخليه انا لينسلخ ههههههههههههه


وحد العام والله سلختو انا وسلفى الصغير وهوما قعدو يتفرجو هههههههههههههههه بصح كحت كاو


نموت على تشواط الراس الكرعين


والدوارة تهبلني مانجي نلقى راسها ب66 كشفة ههههه وفي لخر نظفها كيما يحب الخاطر

ودرك عندي عامين نبدبح ثاني عيد يذبحلي بابا الحق مشاء الله ربي يخليه نموت على ذبيحة بابا
وهاد العام الا كنا من الحيين راني معولى عليه ههههههههههههههههههههه

اه يا منال الفيدو يفاجي على قلب تبارك الله واش رايكم لبنات نروحو نديرو سطاج عندهم هههههههههههههههههههههههههههههههههههههههههههههههههه

يعطيك الصحة منولة على الفيديو

بالنسبة لينا احنا بابا يهبط الكبش ما ندبحوهش في البيت بحكم الضيق من بعد يطلعنا الراس نبدا نشوط هاديك هي يخلص ويجيبلبنا الدوارة

بالنسبة للمصران انا ندير تيو ونديره في الحنفية ونخلية يتملاو المصران يبدجاو يتنقاو وحدهم برك انتي دوري باش ما يثقبوش
وبالنسبة للكرشة تاني تعلمت فكرة جديدة بعد ما تفيدها من كلشي املئيها بالماء وحركيها مليح وفرغي وعاودي العملية حتى تتنقى مليح من بعد اقلبيها والله تخرج صافية وما تعبكش بزاف

بالنسبة ليوم العيد والله يفوت هااااااااااااااااااااااااااااااااااايل

عيكم سعيد وكل عام وانتم بخير حبيباتي

موضيعك كامل هايلة مشاء الله
حنا دارنا واسعة عندنا حوش بعد ما نربط للكبش رجليه
نرقدوه انا وبابا نحكم لبابا الرقبة ونقعدلو عالكبش هوا بعد ما يسمي يذبح ورجبد عليه ونبقا حكماتو انا باه ميتحركش وميوسخش الحال المهم نبقا فوقو وتعاوني ختي حتي تخرج الروح
منبعد تتعلق الجزرة ويبدا الفن نتاع البونيات انا نتعب منعرفش بصح ماما وبابا ليه ليه يكملوها يعطوني انا المصران واختي الراس والكرعين قبل الظوهر نكون كملنا ورانا نقليو فالحمممممممممممم
اه جبت سيرتو جعت اه منو عيكم سعيد ويفوت عليكم بالصحة والهنااااااااااااااااااااااء

8)

سهير... تقعدي عليه... يما... راكي قاوية هههه

لالا... أنا هذي المهمة تاع بابا و خويا..

أنا نعرف غير نجبد الدم بالفروطوار باش يا يمشيش و يخمج الصوف و الجزرة...

و نكب الماء السخون باش يمشي و ما يتكبدش في البالوعة...

و مهمة السليخ لبابا و خويا..

تلقايني قبل ما يذبحوه نظفت مكان الخروف الي بات فيه مليح مليح... خاصة الفضلات و الريحة..

و كي يمدولي الراس و الرجلين... نبدى فيهم..

و كي نكملهم.. نروح للكرشة و توابعها..

ربي يحفظلنا أحبابنا و يقدرنا و يعطينا الصحة و العافية.. و نعيدوا كامل مليح.

والله راكم تغيرو انا منشوف والو :o يوصلني لحم صافي حتى الدوارة مايبغيش يجبهالي في البلاد كلش نستعملوه اما هنا كلش ممنوع حتى دبيحة في الدار

المهم تعيدو بصحة والهنا وكل عام وانتم بخير وصحة فطوركم لي راهم صايمين اليوم

متقلقيش روحك نادين المهم ربي يحفظلك الغوالى حنونة اكيد طعمة لبلاد مكانش خيرمنها بصح ماشي في يدك
سمووووحة راني قاوية ومنخافش نحكمو حتي يموت والمرة هاذي لازم نتعلم نسلخ انا باغية نعود مرا ونص رويجل هههههه
صح عيدكم