راكي تحوسي على خلطة الحنة ....ارواحي عندي

السلام عليكن....تكملة لموضوع الحنة ...وكيما شفنا كيفاش تغربليها
الان نوريلكم كيفاش تخلطوها
وتبعو الصور معي
1_الخلطة الاولى.. المواد الاساسية هي 4 مواد...الحنة والسكر وعصير الليمون والماء.....
[ندعوك للتسجيل في المنتدى أو التعريف بنفسك لمعاينة هذه الصورة]

......خذي زلافة نتاع فخار او زجاج
وحطي الحنة اللي كنتي غربلتيها تقريبا100غ+مغرف صغيرة نتاع القهوة سكر
عادي وخلطي مليح+2 مغارف كبار نتاع الاكل عصير الليم (القارص) وخلطي
مليح+الماء الدافي غير بالشوية حتى اللي تتحصلى على عجينة الحنة تشبه
عجينة معجون الاسنان ماهي يابسة وماهي جارية ....[ندعوك للتسجيل في المنتدى أو التعريف بنفسك لمعاينة هذه الصورة]

..غطي الزلافة ببلاستيك او علبة نتاع
زجاج تكون بالغطاء نتاعها وهذا اجباري باش ما تتهواش ويتغير اللون نتاعها
وتبقى طرية...وخليها تريح 12 ساعة ....مثلا اذا حبيتي ديريها في الليل
...رونيه في الصباح ...ولما تحبي ديريها هناك طريقتين باش تسخنيها الاولى
حطي الزلافة على نار هادية وبسرعة خلطي وكي تحسي بلي سخنت سحبي الزلافة من
فوق النار وما تخافيش ماريحش تتكسر الزلافة ..والطريقة الثاني حطي الزلافة
وسط طاوة فيها ماء و حطي الطاوة فوق النار وسخنيها كيما نذوب الشكولاطة
(حمام مريم)....والان نعرفك يا اختي الكريمة بلي غادي تساليني علاش نحط
السكر والجواب هو لما تبدي تنقشي في الحنة لازم ما تتقطعش وهذا بمساعدة من
السكر لانها اذا تقطعتلك فتاكدي غادي يصعاب عليك العمل وما تكونش نتيجة
شابة ...والصورة خير البرهان الاولى بدون سكر....[ندعوك للتسجيل في المنتدى أو التعريف بنفسك لمعاينة هذه الصورة].... والثانية بالسكر[ندعوك للتسجيل في المنتدى أو التعريف بنفسك لمعاينة هذه الصورة].. والسؤال الثاني مع هذه صورة

إضغط هنا لرؤية الصورة بحجمها الطبيعي.

الزلافة
لم تغطى بالبلاستيك وكانت هذه النتيجة ..والان نتمنى اني نكون قدمت فايدة
لكل اخت كانت تسال عن الخلطة ....وستنوني مع الجديد ومع الخلطة الثانية
للحنة والمزيد ان شاء الله .....شكرا......وكلعادة الهدية.....نتمنى ان
تعجبكنن.
لتنبيه و هذه احسن ماركة نتاع الحنة.....

[ندعوك للتسجيل في المنتدى أو التعريف بنفسك لمعاينة هذه الصورة]


.... ومجربة للرشم ونتيجتها فعالة
والغرب الجزائري يستعمل هذا النوع فهو منتوج جيد .... وتكحال مع مرور
الوقت ....ولكن انتبهي العلبة الخضراء (حنة الخلالة)الصورة الاولى وليست
هذه..

[ندعوك للتسجيل في المنتدى أو التعريف بنفسك لمعاينة هذه الصورة]

ذات لون اصفر ..فهي مزورة وغير اصلية ......وشكرا...

..............................



[ندعوك للتسجيل في المنتدى أو التعريف بنفسك لمعاينة هذه الصورة]

تابع

الموضوع من اجتهادي
الا استحق كلمة شكر
والله ما سرقته ....برك الصور مسروقة ههههههههههههههه
ادعو لي بالتوفيق
وبصحتكم الكل

السلام عليكن
هذه الطريقة الثانية لموضوع كيفاش تغربلي الحنة....وتحتاجين ل3 حاجات هما...كتان من نوع ..ارقونزا... او شاش وغراف نتاع العصير
مع الغطاء نتاعه و حاشية.


..و نخليكم مع الصور.. ...وشكرا ....و طبعا مع الهدية



[ندعوك للتسجيل في المنتدى أو التعريف بنفسك لمعاينة هذه الصورة]

و طبعا مع الهدية

[ندعوك للتسجيل في المنتدى أو التعريف بنفسك لمعاينة هذه الصورة]


يا اخواتي والله الموضوع تعبت عليه
بصح الصور مسروقة
على الاقل نستاهل كلمة شكر

تستاهلو كل خير
وعيدكم مبارك

شكرا اختى صمت الله يجعلو فال زين للبنات كامل

شرا لك يا الغالية صمت
ارجو ان تاتي وتحنيلي بهذيك الحنة الواجدة هههههه انا نحب الحنة ونموت عليها
شكرا لك موضوع رائع

جزاكى الله خير

و الله جميلة مشاركتكي بهدا الموضوع الرائع

:شك4: :اس: :برنسيسة:

:س1:
:سلمت يداك:
مشكورة اختي ونتمنى المزيد
( لكن من غير سرقة ),أمزح.

يا بنات تعلمو الاهموتذكرو .....نية زمان ......وين كنا واين اصبحنابالتوفيق

:شك4:

بارك الله فيك ياالغالية والف الف شكر
[ندعوك للتسجيل في المنتدى أو التعريف بنفسك لمعاينة هذه الصورة]

:سلمت يداك:

:شك4: :شك4:

:سلمت يداك:

:مش3: :شك4:

:ق1:

:مم:

مشكورة يا غالية ربي يجازيك كل خير