عندك خبز يابس شوفي واش تقدري ديري بيه لوليداتك

:السلام:
مساء النور يا غاليات.....اذا عندك خبز يابس او بريوش تقدري تستغليه خصوصا في المساء بعدما يرجعوا اطفالك جيعانين من المدرسة تقدميهلهم مع الحليب وايضا في الصباح تقدري تفطريهم بيه...بنين بزاااف وميشبعش منو....والله حتى حنا الكبار نحبوه....انا كل ما يبقالي الخبز نيبسو ونستعملو بهذه الطريقة...راهي ساهلة مغذية وبنينة وما تاخذش الوقت....جربوها.....و ما ترميوش الخبز للأنو للأسف بزاااف ناس يرمو الخبز فلما لا نستغله هكذا....

خبزة او لي عندك يابسة ومجمولة
2بيضات
كاس حليب
نصف كاس سكر
زبدة
الطريقة:
قطعي الخبز نتاعك دوائر كيما الكيك...خلطي في صحن غارق الحليب السكر والبيض ضربيهم مليح مليح.....سخني المقلاة وديري فيها كمية من الزبدة انا ساعات ندير زيت....غطسي كل طرف من الخبز في الخليط وحطيه فالمقلى وكي ياخذ اللون الذهبي من الجهتين نحيهم وحطيهم في صحن ورشي السكر الحرش عليهم.....وكل ما كان الخبز نتاعك بزاااف راكي تزيدي في كميات الحليب والسكر....على حساب الخبز لي عندك....عينك ميزانك.

[ندعوك للتسجيل في المنتدى أو التعريف بنفسك لمعاينة هذه الصورة]

:مودتي:

اعذروني حبيباتي نسيت مقتلكمش 2 بيضات....

مشكورة حبيبتي ميمي هكذا نستفيدو من الخبز اليابس لي راهو يترمى خسارة

شكرا حبيبتي ahlem2 على الرد المعطر....عندك الحق علاه يروح الخبز اليابس خسارة

شكرالك

العفو رابعة ورماس شكرا على الرد

merci beaucoup

جزاك الله

:سلمت يداك:

بارك الله فيك حبيبتي احنا تان نديروه كما انت و ايضا نديروه بطريقة اخرى نغطسوه في حبة بيض و شوية حليب و نقليوه في الزيت نقطروه في وق مصاص و من بعد نسقيوه بالعسيلة و الله يجي ما يتشبع اهو خير ما نرميوه و يروح خسارة
مشكورة حبيبتي
جزاك الله

:اس: :اس: كثيييييرا حبيباتي mirelle و ام عماد......شكرا

مشكورة حبيبتي ميمي ........عندي بزاف مدرتوش كنت وحد الوقت نديروا بزاف كل يوم هههههههه فكرتيني فيه .......لكن ماشي غير لصغار حتى الكبار نحبوه .......انا وحدة نحبوا بزاف .........تسلمي حبيبتي على الطريقة .......الف شكر لكي

اهلين حبيبتي كنزة...عندك الحق حنونة والله غير حنا تاني لكبار نحبوه....الف الف شكر على المرور حبيبتي

انا نضرب البيض مع شويا احليب ونقليهم في الزيت وكي نخلص نسقيهم بالعسل يجوا صح بنة هايلة وهذه العشيبة برك درتهم مممممممممممممم هايلين كي يتقرمشوا :x

:اس: :اس: :اس: :اس:

شكرا شذى نورتي صفحتي

اممممممممم يشهو بارك الله فيكي حبيبتي هاكا نستفادو من الخبز اليابس علاه الخسارة

تشلمى حبيبتى معا

يعطيك الصحة اخت ميمي على الوصفة اللذيذة ...فكرتيني بأيام الصغر كانت امي رحمها الله تعملو ...بإختلاف

بسيط...كانت تشمخو في الحليب ..ثم تغطسو في البيض مخلط وتقليه ...وكي يطيب تدهنو بالمعجون من فوق

...يهبل ....آه على ذكريات الطفولة ...ماكانش كيفها

:سلمت يداك: :سلمت يداك:

» شوفي يا عائشة على واش كنت نحوس شوفي معايا
» كورنيات من عندك
» وش هي احسن ماركة مكسار عندك ؟