خبز الدار خفيف وبنين من مطبخي

تذكير بمساهمة فاتح الموضوع :

السلام عليكم
اليوم جبتلكم وصفة تاع خبز الدار
كل من ذاقو قال امممممممممممممممم
مبسس خفيف ومايتشبعش
جربوه وادعولي معاكم
المقادير

2 كيلو سميد، 2 فنجال زيت ،ملح حسب الذوق
(خميرة الخبز استخدمت تقريب 2 ملاعق اكل ممسوحة)
قليل من السانوج حسب الرغبة
ملعقة كبيرة ماء زهر ،ملعقة كبيرة سمن، بيضة
التحضير

اولا نضع السميد الملح السانوج الزيت

[ندعوك للتسجيل في المنتدى أو التعريف بنفسك لمعاينة هذه الصورة]

نبسسها مليح ( يدخل الزيت في السميد ) ونزيدو ليها شوي ماء دافي

[ندعوك للتسجيل في المنتدى أو التعريف بنفسك لمعاينة هذه الصورة]

من بعد الخميرة تاعنا استعملت ملعقتين كبيرتين خميرة الخباز + ملعقة صغيرة سكر وماء دافي تركتها حتى
تخمرت وتضاعف الحجم كما في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

نلموها ونبدو نعجنوها مليح حتى واذا محتاجة ماء نزيدوها تولازم رجع تترشق وهذا دليل انو دات حقها من لعجين
نخلوها ترتاح 10 دقايق ونغطو عليها

[ندعوك للتسجيل في المنتدى أو التعريف بنفسك لمعاينة هذه الصورة]

من بعد نحلو عليها ونزيدولها البيضة وماء الزهر غير شوي يمد الطعم ومغرف سمن

[ندعوك للتسجيل في المنتدى أو التعريف بنفسك لمعاينة هذه الصورة]

نعجنوها مرة اخرى حتى يدخلو فيها نقسموها على زوج ونخلوها ترتاح 5 دقايق

[ندعوك للتسجيل في المنتدى أو التعريف بنفسك لمعاينة هذه الصورة]

نحطو وحدة في بلطو الكوشا ونحلوها شكل دائري
وبالموس نديرو هذوك الخطوط وندهنوها ببيضة مخلطة مع شوي قهوة

[ندعوك للتسجيل في المنتدى أو التعريف بنفسك لمعاينة هذه الصورة]

ونخلوها طيب
وهكذا يكون بعد مايطيب

[ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله تعجبكم الوصفة وطبقوها
لاتنسوني من صالح دعائكم