خلطة سحرية تخليك تستغني عن بعض المنظفات ان لم اقل كلها

اهلا حبيباتي

انا هنا حبيت نعطيكم الشيئ الي تقدرو تديروه وتلقوه في بيتكم وتخلو ديما البييت يشعل شعيل
عندي طريقة نظف بيها انا بيتي ونتمنى نفيدكم بلي عندي
الطريقة
خل .بيكاربونات انتاع الميزان شوية جافيل في الماء


تغسلو بيه وش حبيتو من اواني وفيونس ارضية دوش توالت راح تلقو كلشي يبرق وروعة روعة


فقط ماتنسوش تدعولي


هذا طبعا راح يخليك تستغني عن بعض المنظفات الباهضة الثمن وتكوني مدبرة منزل وفيرة وحكيمة

ربي يرزقك الذرية الصالحة الحوراء بتول

يعطيك الصحة حبيبتي... و ربي يرزقك الذرية الصالحة ان شاء الله..

حبيت نعرف المقادير .. باش نطبق طريقتك بالضبط... و نصورلك النتيجة ان شاء الله.

يعطيك ماتتمني حنونة ايه كما قالت سموحتي عطينى اكمية

ونطبقوا

شكرا حنونة ربي يخليك

شكرا اخت الحوراء بتول انا مع الاخوات قوليلنا المقادير و ان شاء الله نردولك بخبر

شكرااا اختي ربي يعطيك ما تتمني

شكرااا

يعطيك الصحة هاكا سهلتيها علينا ان شاءا لله نجربو يالله اطلعي بالمقادير ههههههههههههه ولا نديرو كيما حبنا

الله يبارك ربي يحفظك و يعطيك الصحة

ربي يخليك أختي على الوصفة السهلة والمفيدة بإذن الله نجربها

اكييييييييييييييييييييد نجربها بس ممكن المقادير وربي يعطيك ما تتمنى

جزاك الله خيرا

بارك الله فيك

اهلا حبيباتي
بالنسبة للمقادير كل وضعية وحالتها
يعني اذال كان مكان تشوفوهبلي يحتاج تنضيف اكثر لازملكم على الاقل 3 مغارف ماكلة بيكاربونات ونص قرعة خل وزوج بوشون انتاع الجافيل والماء بالكمية المناسبة الي تقدري تحكي بيها وتاني بلا ماننسى ديرو شوية ازيس على جال الصابون راح يسهل العملية
هذا الكمية للارضية والبوتاجي والتوالات والدوش والفيونس وحتى للاواني

كاينة طريقة اخرى للاستعمال نفيدكم بيها وهي الملابس البيضاء وخاصة الداخلية نصحكم بالبيبيكاربونات وحتى لو غسلتو في الغسالة اضيفو ملعقة ماكلة بيكاربونات راح تنضف الملابس وتنقيها وتاني الغسالةراح تساعدها باه تبقة ديمة واجدة
وتنحي الكالكار
وفيه استعمالات اخرى ان شاء الله نفيدكم بيها
انا البيكاربونات بصراحة مايخطيش داري لانو استعمالاتو لا تحصى وفي كل الميادين
ههههههههههههههههههههههههههه
موفقين

بارك الله فيك حبيبتي على المقادير المضبوطة.... جاااري التطبيق ان شاء الله

ربي يحفظك ويعطيك كل ماتتمناي على هذه الفكرة

ساهلة ماهلة ان شاء الله نطبقها
ربي يرزقك الذرية الصالحة ان شاء الله

ربي يعطيك كل ماتتمناي

بارك الله فيك
سنعمل بنصائحك إن شاء الله