هل غسالة الأواني pratioue في خدمتها؟؟؟؟؟؟؟؟

السلام عليكم و رحمة الله ة بركاته

[ندعوك للتسجيل في المنتدى أو التعريف بنفسك لمعاينة هذه الصورة]
من فضلكن حابة نشري لاف فيسال بصح قالولي ما تغسلش كلش و كذلك لازم نمسح الصحون مليح بعد ذلك نستفها في لامشين...
نقلكم الصح الصح قلت كي عادت هكدا ما نشري ما نكسر راسي يعني بها و لا بلا بيها لماعن كاينين كاينين....
سؤالي هو لي عندها لاف فيسال و لا شافتها عند آخرين تقل لنا هل وجودها ضروري أم لا....
كذلك ما هي الماركة لمليحة فيهم؟
شكرا لكن يا الغاليات

[ندعوك للتسجيل في المنتدى أو التعريف بنفسك لمعاينة هذه الصورة]

:o محلاها الاولى متيسعة

منّوولتي..

يعطيك الصحة على الموضوع.

شرينا واحدة Samsung حديثا... تغسل مليح.. و تخرّج الأواني يشعلو... خاصة اذا استعملتي مسحوق خاص بيها نوعية مليحة.

المشكلة انو ما نيش ندير فيها ديما..... لأنها في المطـبخ الجديد...نفحت في الأيام الأولى ندي الأواني من مطبـخ لمطـبخ فوق...هههه (الفرحة برك).. و من بعد تعبت.. و كل يوم نقول نطلّع كلش ونعودوا كلشيء نديروه ثم... لكن مازال ... امّالا غطيتها و خليتها تستنّى.

و لازمتلها installation تاع الماء الي يدخل و الي يخرج يكونوا مخدومين من الأول باش يكون كلش مرتّب.

و تحب الصحون المسطحة باش تهز بزّاف.... أما البرمة و الكسكاس و الكوكوتة... لازم يخترعولنا واحدة جديدة.

تاعنا خت هذي... الصورة من النت.. و اذا قعدت نوريلك تاعنا

[ندعوك للتسجيل في المنتدى أو التعريف بنفسك لمعاينة هذه الصورة]

شوفي يا منال اختي لاف فيسال انا ماعنديش ومانكدبش عليك مانبغيهاش تكون عندي تبان لي حتى

وتغسل ماتحكش كيما اليدين مليح ههههههههههههه قوليلي زعمة لاكوكوط وتارموس وابريق التاي يخرجو

كيما نغسلوهم باليد تبان لي موحال مع اني ماجربتهاش ههههههههههه هدا واش يقولي الفكر تاعي

وتاني انا شايفتها عند ناس راكي تنظفي لماعن وتشلليهم وتستفيهم وتحطيهم فيها قوليلي كي ديري هدا

كامل وعلاش تزيدي تخصري الكهرباء ههههههههههههههه انا من رائي ماهيش مهمة

وزيدي شوفي راي لبنات ممكن عندهم تخمام خير من هدا

انا من رأيك اختي ريمورا فكرت نشريها لكن كي لقيتها ما تغسلش كلش وتزيدي تنظفيلها يعني راح نغسل الماعن نزيد نكمل الباقي وخلاص ولا واش رأيك سموحة ما دام جربتيها

و الله لأجل هذا استشرتكن يعني خصاير برك اشريلها الجيل دياللها زيدي ليسونس لي هو الماء و الكهرباء

بصح هي مليحة للمرا العاملة تستف الصحون و تروح تخدم و لا لالا

رأي سموحة يهمنا بما أنها جربتها

شكرا لكن أحلام /ريمورا /و سمووووووووووووحة

لالا... أنا من بكري نديباراسي الأواني قبل ما نغسلهم بمنديل ورقي..

يعني نفس الخطوة.

و نحملهم للبوتاجي... يقابلها أني نوضعهم في الغسّالة.

كي تكمل... تلقايهم يشعلوا... ريمورا والله يخرجو نظاف... لأنها تغسل مرتين و تشلل مرتين و بالماء الساخن... و كاين برنامج اقتصادي ما يستهلكش الطاقة.

لكن الأواني الكبيرة ما تهزهمش...

مليح تلمي فيها أواني فطور الصباح و المساء مع بعض... المغارف و الفراشط كامل
و الصحون.

يعني نغسلوا غير الأواني الكبيرة...

و الوقت الي راهي تغسل... نظمي المطبخ.. أمسحي الكوشة... كاين وش تعملي.

ما تفشلونيش.... راني مازلت مظيفتها... هههه

ههههههههههههههههههههههههههههههه لالا سموحتي و الله والو

شحال تشري البرودوي نتاعها

وكم تستغرق الوقت؟؟؟؟

و بكم شريتوها؟؟؟؟؟؟؟

آسفة على التطفل

لالا... نضحك برك

شريناها ب6 ملاين و واش..

البرودوي.. علبة كبيرة.. فيها حبّات (3 في 1) يعني 3 وضائف مع بعض

كل حبة بغسلة.

و كاين برودوي آخر شريتو على جال ملوحة الماء

قالولي ماء تاعنا مش مالح... يعني ما تحتاجش نظيف هذا المنتوج
لكن قلت مادام معمول مكانو.. لازم نظيفو مرّة على مرّة.

الوقت على حساب البرنامج الي تخيريه.... تغسل بالقعل... و ماتديرش الحس.

شوفي اذا قعدت.. نصورهالك و نوريلك البرامج.

و مازال نزيد نخدم بيها و نزيد نوالف بيها أكثر و أكثر... لأني قلتلك درت بيها ايام لكن ماهيش وين نطيبوا.. لأنو المطبخ التحتاني ماناش عاملينلها مكان مخصص ليها من الأول.

هي قد غسالة الملابس.

للاسف ما عندنا احنا وحدا في البيت لكن نظن الاخت سموحة راهي وفات وكفات ربي يجازيها خير ان شاءالله

الصراحة يا اختي ما عندها حتى فايدة
اولا لازم تشلي الاواني قبل ما تديريهم فيها و تاني شي ما تهزش الحوايج الكبار مثل الطنجرة و الكوكوتا و القدرة و الكسكاس
و كي لازم تشلي الاواني باه تديريهم فيها اغسليهم في يديك و فرااات

لالا... ما تحتاجش تشللي... تمسحي برك اذا حاجة عالقة... و حتى اذا فاتت حاجة.... كاينة صفاية من تحت.. يبقى كلش فيها.

sammouha كتب:: لالا... ما تحتاجش تشللي... تمسحي برك اذا حاجة عالقة... و حتى اذا فاتت حاجة.... كاينة صفاية من تحت.. يبقى كلش فيها.

تبارك الله عليك و جعله في ميزان حسناتك يا الغالية

السلام عليكم انا اللماعن هما الكابوس في حياتي مانحبهمش حتئ في وقت الوحم نعود نبكي منهم نكرههم بزاف ندير كل شيء غير لماعن مانحبش نغسلهم لدرجة ان امي كانت تشفق علي وتغسلهم كيتول دالتي مع خواتاتي نخدم اي حاجة غير هم وتو حتئ فناجين القهوة القش ارحم وكيما تزوجت زوجي يساعدني فيهم علئ بالو بلي راهم كوشمار وفي نفس الوقت كون مانغسلهمش الوزيتة تتخلط وحبيت نشري ماشين لكن كيما ماتغسلش كلشي بالناقص منها تغسل غير الصحون والضربةالكبيرةفي البرمة والكسكاس ما يدي ارحم والصبر جميل عدرا فهده قصتي مع الاواني

ههههههههههههههههههههههههه شكراااااااااااااا حنين و الله كيما قلتي لماعن كابووووووووووووووووووووووووووووووووووووووووووووووس
شكرااااااا على المروور

ههههههههههه حنين انا ثان لماعن عندي كوشمار بصح واش انديرو لازم وخلاص

ههههههههههههههههههههههههههه مالا العدد بزاااااف يا بيبيشة هذه حتمية لابد منها

انا ماعنديش مشكل مع المواعن والحمد لله نغسل كل وقت وما نحتاجش للغسالة

شكراااا لك

فقط السؤال كان لي عندها غسالة تتتتتتتتتتتتتتتتتتتتتتتاواني تقوللنا هل هي مليحة في خدمتها و لا حاجة زايدة

شكراا للتفاعل

هايلـــــــــــــــــــــــــــــــــــــــــــــــة خاصتا كي يجوك ضياف تمسحي الطباسة بطرشون كاغط و تستفيهم و تحطي افراشط و لمغارف و الكيسان ما تحطيش برك الكوكوط و البرمة ولا القاميلات لكبار راهي تخرج لماعن روعـــــــــــــــــــــــــــــة يبرقو و ناشفين تقدري تشغليها في الليل و غدوة الصباح تستفي ماعنك في لبلاكار ناشفين

اختي منال نصيحة مني لي راح تشريها هيا اشريها حاجة اخرى
انا غير هي لي منديرهاش هو صح كيما قالت سموحة شكون لي تبدا ماعنها وهم موسخين لازم تستفهم وتمسحهم وتشللهم ثاني
يعني وش بقا بقت مهمة هايلة تغسلي براحة ونظافة وتحكي كيما تحبي
انا لما رحت لأختي ونشوفها توجد فيهم وتمسح باش تحطهم يتغسلو نقلها وخري لهيه غطي مشينتك كي روح استعمليها
منحبهاش خلاص والدي منين علمتني ماما نغسل الماعن غاضو الحال قالك صغيرة
راح شرالي وحدة لكن مستعملنهاش خلاص غير مرات لذرك راهي ذكرى هههههه تع بكري كل عندها قولي 20 سنة

مشينة غسيل مواعن مش داخلة راسي كليا
اشري اسبيراتور تع زرابى صح ولا سياقة تع كرلاج صح ولا مشينة غسيل تع زوار وكوات راني معاك
اما هذي غير مكلاه

لي عودة لقراءة كل الردود فيما بعد
غاليتي
انا عندي لاف فيسال
نعطيك الماركة و السعر
ستارلايت تاع دزاير شريتها غير ب 3 ملاين و 500
لما رحت نشري خيرت الأقل ثمنا علاه؟
قالوا لي أن الماء تاعنا ما يوالمهمش
و لما قيسنا درجة الكلس في الماء تصوري لقيناه معتدل هو مع كل ماشينة يجي تستور ( شريط تقيسي به)
تغسل 12 صحن و 12 كاس وووو و فيها في السلة السفلية مكان مخصص للقدور يعني قدر عادي و كوكوط تاع 6 أفراد يدخلوا
تغسل جيدا و تنشف يعني نقصتي عناء التجفيف و المناشف المعلقين
بالنسبة للمسحوق كاين و متوفر شوية غالي صح لكن عن نفسي يشد لي 3 اشهر فما فوق علبة فيها 80 مكعب نغسل 3 مرات في الأسبوع كي نكون وحدي و ما عنديش ضيوف
و نزيدك في غسلة وحدة تدي تقريبا 15 لتر ماء
شوفي لما تغسلي باليد شحال تسيلي الماء

قنعتي؟
ما زال عنصر واحد يمكن تقنعي به
في الوقت اللي هي تغسل يمكنك الاهتمام بنفسك .................

يعني ما تفاهمتوش إذا تغسلوا باليد و إلا تشروا الماشينة
شوفوا حاجة تنقوا الماعن قبل الغسيل باليد و بالماشينة لازم عليك تنحي المراقي و العوالق تاعها بالمنديل الورقي أو حتى بظهر الملعقة يكفي المهم ما يكونش فيها عظم أو علفة تاع زيتون حوايج تبوشي
و المسحوق تاعها قاوي لدرجة أنه ينحي حتى الوسخ القديم بين يدين الطنجرة
المهم انا عاجبتني و مريحتني
و كل وحدة تشوف اللي يريحها و أي سؤال نجاوبكم على حسشب تجربتي

» كل وحدة تتفضل معانا .....وتعطينا تجربتها مع غسالة الملابس تاعها