افيدينا برأيك في فرنك (CUISINIERE)

بسم الله نبداو

اول حاجة حبيت نقولها مبروك علينا هذا القسم لي ان شاء الله نستفادو منو عند شرائنا للاجهزة وما تكونش الاستفادة الا بتجاوبكم ومواضيعكم القيمة

هذا القسم مخصص لوضع مواضيع حول رأيكم في جهاز تملكوه او استفساراكم على جهاز معين حابين تشروه

واكثر حاجة تستعملها المرأة هي الفرن هنا كل واحدة تحكيلنا على فرنها الايجابيات لي فيه والسلبيات

لي الشرف اني نكون اول وحدة ردت على موضوعك اختي احلام ومشكورة على الموضوع القيم

فانا املك CUISINIERE مودال بيكو حوالي 4 سنوات والحمد لله ما عندي حتى مشكلة فيه عمرو ماقال اي راسي ههههههه

اختي العزيزة مشكورة على الرد اذا ممكن تزيدي تحكيلنا عليه ونتمنى تضعي صورة ليه حتى ولو من النت

انا فرني ARTHUR MARTIN وهو راااااااااااااااااااااااااائع خاصة للمعجنات لانو سخون ويناسبها اما الحلويات لازم تجربي فيه حتى تعرفي الحرارة المناسبة وعادة نحطها في الرف العلوي

وننقص درجة الحرارة وتجي هي كذلك رائعة

انا في الاول تفاجأت بحرارتو لكن بالتعود عشقتو ههههههههههههه وما نفكرش نبدلو

وهذي صورة تشبهه

[ندعوك للتسجيل في المنتدى أو التعريف بنفسك لمعاينة هذه الصورة]

حبيبتي احلام الفرن الي عندي مودالarthur martinوهي مليحة وسخووونة مليحة للشواء والمعجنات بس للحلويات تليق تراقبيها عن تجربة بس عندها مشكل في الشواية تعمل بالكهرباء واكيد حصلي مشكل معاها مثلا مرة طيبت البقلاوة وكي شعلت الشواية راحت الكهرباء :o وهذه صورتها من النت [ندعوك للتسجيل في المنتدى أو التعريف بنفسك لمعاينة هذه الصورة]
هاذي هنا في ورقلة وفي الجلفة عندي ENEIMوهي مليحة تاني

ههههههههههههه طليتي على قلبي كنت داخلة نعدل الرد ونتكلم على الشواية انا في البداية ما عجبتنيش الشواية الكهربائية لكن لما شغلتها وجربتها في التحمار من فوق عجبتني خير

من الغاز لكن كي ينقطع الكهرباء صح مششششششششششششششكلة الحمد لله ما صادفتنيش

ههه احلا م شوايتها هايلة بصح مش صالحة للحلويات تصرالي معاها شحال من مشكل

انا ما نشويش في الرف العلوي نحطها في الرف الاوسط ونبقى نراقبها

يعطيكم الصحة لبنات على الفكرة وعلى القسم الرائع لي اكيد راح نستفادو منو بزاف بزاف


الكوشة نتاعي من نوع انيام eniem وراها روعة سيرتو في الحلوة هايلة والمقروض طيبو منحيش هايل


وهادي صورة نتاعها

[ندعوك للتسجيل في المنتدى أو التعريف بنفسك لمعاينة هذه الصورة]

لبنات راهو نفسالمشكل في موضوعي مايبانوش الصور

شكرا على الموضوع لكن لماذا المدراء فقط لهم الحق في رايت الصور ارجو التوضيح فكلن نستفيدو من بعضنا

يا ام عبد البارئ المشكل عندنا كااااامل ممكن لانه القسم جديد

مبرووووووووووووووووووووووووك عليك افتتاح القسم الجديييييييييييييييييييييييييييد
وراهو خارج عليك الستيل الجديد الموف طاح عليك روعة يا احلى احلالالالالالالالالالالالالالالالالالام
ياه رجعتي مشرفة راكي علقتي نجمة انتي وام بناتي وملكة السبا مبروك عليكم
ولكن يا سيدتي المشرفة هناك خلل في فرعك لا تظهر صور اذن يا سياداتي المشرفات خارجة عليكم سياداتي ههه
ريقلو المشكل الى عندكم لاني راح ندخل كل ليلة نطل عليكم ونشوفكم واش راح ديرو فيها وراح نكرهلكم حياتكم بالتعاليق ههههههههه لانكم في 3 اعز صديقات موفيقين حبيباتي

شكرا ام بناتى رانى فهمت

الفرن تاعي اونيام وماعندي حتى سلبيات فيه هههههههههههه...............نطيب فيه ويعجبي للقاطوات ولا

للتحمار هايل

يعطيك الصحة حبيبتي على الموضوع

كوشة ماما... الى الآن مليحة... ماركة قديمة و صحيحة.. و مازالت تمشي..نسيت ماركتها

و زدنا شرينا حديثا واحدة للمطبخ الفوقاني ماركة برونت Brandt

[ندعوك للتسجيل في المنتدى أو التعريف بنفسك لمعاينة هذه الصورة]


قاااوية... و لازم نعس القاطو..
في العيد الصغير نجرب شوي... و من بعد نكمل...
ساعة نطلع.. ساعة في النص.. ساعة تحمرلي.. ساعة حتان نشعّل الشواية..

راني مازلت ما والفتهاش.... و كي نعيط لماما...ههه تقولي خليني مع تاعي حافظتها.. و الجديدة ليك أفهميها انت.
تعجبني ماما..تطيب و ما على بالهاش بيها ... لأنها والفت بيها.



جرّبت مادلان جاااا يهبل يهبل.... نزيد نعاودوا و نحطلكم الصور.

أما خبز الدار.... جربتو جا هايل خير من القديمة.. و سبقلي وضعت الصور تاعو.

فقط المشكل الي عندي... هو الغاز جيهة أقوى من جيهة.. يعني جهة تحمار بزاف على جهة أخرى.... لازم نراقب و ندوّر....

انا حبة سكر كتب:

مبرووووووووووووووووووووووووك عليك افتتاح القسم الجديييييييييييييييييييييييييييد
وراهو خارج عليك الستيل الجديد الموف طاح عليك روعة يا احلى احلالالالالالالالالالالالالالالالالالام
ياه رجعتي مشرفة راكي علقتي نجمة انتي وام بناتي وملكة السبا مبروك عليكم
ولكن يا سيدتي المشرفة هناك خلل في فرعك لا تظهر صور اذن يا سياداتي المشرفات خارجة عليكم سياداتي ههه
ريقلو المشكل الى عندكم لاني راح ندخل كل ليلة نطل عليكم ونشوفكم واش راح ديرو فيها وراح نكرهلكم حياتكم بالتعاليق ههههههههه لانكم في 3 اعز صديقات موفيقين حبيباتي

سكرة يا لعزيزة يبارك فيك حبيبتي ربي يخليك ويحفظك

هههههههههههههههه كيما يقولو هذا المشكل خارج عن ارادتنا وان شاء الله يتريقل في القريب العاجل

يا حبيبتي نتشرفو بزيارتك لينا شكون لي يكره من العسل يا عسل مواااااااااااااااااااااااااااااااااااااااااااااااااااااااااح

مبروك عليينا الفرع لجديد ....مهم ومفييييييييييييييييييد

انا عندي فرن ماركة brandt .... الحمد لله عندها 5 سنوات وراهي قايمة بالواجب ...المرة لولى هبلتني كي

نجي نحمر خبز الدار من فوق تركز غير على الوسط لكني اكتشفت بأن ذلك خطئي لأن كنت نطلع لبلاطو للرف

المتوسط لكني وجدت الحل وهو اني لازم نخليه في الرف السفلي وهكذا تنتشر الحرارة ويجي لون التحمار كيف كيف

..وهذه صورتها من النت

[ندعوك للتسجيل في المنتدى أو التعريف بنفسك لمعاينة هذه الصورة]

على فكرة ألف شكر لك عزيزتي سكرة على التهاني بخصوص اللون الموف

ملكة سبأ..... بارك الله فيك

راكي فهمتيني وش قصدت.. جهة اقوى من جهة.. و تاعنا ثاني برونت

على بالك.. جربت في الرف الوسطاني .. جرّبت في الرف العلوي .. لكن التحتاني ما جربتش....

يعني ان شاء الله راح يتحل المشكل تاعي..

بصح راهي قاوية... أمالا تنقصي لدرجة الحرارة..؟؟

و نطيب فيها خبز الدار في الرف التحتاني عادي..؟؟

بارك الله فيكن بنات

صح eniem مليحة كنت نطيب بيها في دارنا وكل شيء يجي فيها قد قد

انا عجبتني الكو يزنيار السخونة تناسبني اكثر لاني نحب نطيب المعجنات

سموحة انا عندي البلاطو لقدم نطيب في الرف الوسط لكن الجدد نحطهم في الرف السفلي باش يطيبو مليح خاصة في الوسط هذا بالنسبة للمعجنات يمكن المشكل من البلاطو

عزيزتي سموحة ..بالنسبة ليا وليت نشعل من فوق عادي ولكن نحط لبلاطو تاع خبز الدار أو حتى تاع القاطو

في الرف السفلي ونصبر حتى نتحصل على النتيجة اللي حابتها ... و يجي رووووعة

أما بالنسبة للحرارة ...اكتشفت مع الوقت اني كي نقوي في النار تقعد لفترة ثم تنقص من تلقاء نفسها

ان شاء الله نكون افدتك

صح... تكون قاوية و تسمعي صوت الغاز قاوي... و من بعد ترجع تنقص وحدها .

بارك الله فيك....

انا عندي flame bleu في الاول شيبتني لكن الان تفاهمت معها وعرفت العقلية لكن كوانمنها ماعجبونيش وفيها حوايج شوية الحقيقة ماقنعتنيش برغم ان هدي الماركة مليحة في حوايج اخرين وشكل الفرن تاعي مليح لكن نفضل اونيام

كيفاش كواننها ماعجبوكش..؟؟
عراض بزّاف و الى واطين بزّااف..؟؟

زيدي فهمينا.. أطرحي المشكل.. ممكن تلقاي الي تفيدك..

و مارة هذي أول مرّة نسمع بيها.

مرحبا بكن اخواتي وشكرا لكن موضوع مميز اريد شراء كويزينيار كبيرة 5 او 6 عيون من فوق اينوكس او معرفتش النوع الجيد هناك ماركات كثيرة خفت لاتصدي ارجو افادتي من تملك واحدة او راتها عند احد راني وجدت ماركت كيريستور بسعر 3500000