احكيلنا على آلتك لنزع الشعر

تذكير بمساهمة فاتح الموضوع :

الشعر (عدا شعر الرأس) هو عدو المرأة اللدود

و بما أنها سميت باللجنس اللطيف يعني أنها ملساء البشرة

لكن في الحقيقة لابد من وجود الشعر على جسمها و تختلف قوة كثافته من امرأ لأخرى

[ندعوك للتسجيل في المنتدى أو التعريف بنفسك لمعاينة هذه الصورة]

كان في قديم الزمان النتف و القص و قد ورد هذا في شريعتنا الاسلامية فهما سنة مؤكدة

والدليل على ذلك ما جاء في حديث عائشة رضي الله عنها قالت : قال رسول الله صلى الله عليه وسلم : " عشر من الفطرة : قص الشارب وإعفاء اللحية والسواك واستنشاق الماء وقص الأظفار وغسل البراجم ونتف الإبط وحلق العانة وانتقاص الماء . رواه مسلم ( 261 ) .

الا مكان الحاجب فهذا تنمص

والدليل على ذلك ما جاء في حديث عبد الله بن مسعود رضي الله عنه قال : سمعت رسول الله صلى الله عليه وسلم يقول : " لعن الله الواشمات والمستوشمات والنامصات والمتنمصات والمتفلجات للحسن المغيرات خلق الله ". رواه البخاري ( 5931 ) ومسلم ( 2125 ) .

و تطور الزمن و أصبح الحف

و يكون اما بالآلة و هو أسرع لكنه يترك البشرة مزرقة بعد عدة استعمالات

[ندعوك للتسجيل في المنتدى أو التعريف بنفسك لمعاينة هذه الصورة]

أو بالخيظ و هي أحسن لكنها أبطأ

[ندعوك للتسجيل في المنتدى أو التعريف بنفسك لمعاينة هذه الصورة]

هذه يدوية و ابتكرت الفكرة نفسها لكن بالشمع

[ندعوك للتسجيل في المنتدى أو التعريف بنفسك لمعاينة هذه الصورة]

الا انه اكتشف مؤخرا ان لها مضارا متعددة

أو آلة كهربائية

و هي آلة نزع الشعر

[ندعوك للتسجيل في المنتدى أو التعريف بنفسك لمعاينة هذه الصورة]

أنا شخصيا عندي ماركة كالور عندها10 سنوات كانت هذاك وين خرجت و سمنا بيها في الوسط نتاعنا شريتها ب مليون و 400 بعد المفاهمة خلاهالي مليون و 200 هي ما تشبهش لي في الصورة لكن الماركة نفسها

الشيء لي يميزها أن رأسها ككل ملاقط ليس مثل الجديدة فيه شوية برك

[ندعوك للتسجيل في المنتدى أو التعريف بنفسك لمعاينة هذه الصورة]

و كانت تؤلم كثيرا بصح دايما كي نديرها و باه نصبر روحي على الوجاع شعاري هو لي يحب الشباح مايقول آح

الاكسسوار لي فيها فرشاة لتنظيف الآلة من الشعر الموجود فيها
غطاء للرأس المستعمل للأماكن الحساسة و 2 gomme تستعمل في الأماكن لي فيها شعر تحت الجلد حتا تخرجهم و تنحيهم

المهم بعد مدة بديت نوالف السطر و صرت نستعملها بكل سهولة

الآن المناطق المستعملة

نحي بيها يديا و الساقين و الفخذين فقط

و بعد كل استعمال ندير حليب الأطفال و الله أصبح الشعر ينبت خفييييييييييييييييييييييف يعني بعد 3/4 اشهر باه نحي و الحمد لله

هيا و نتوما احكيولي على تجربتكن هيااااااا

ليان واش من ماركة انا الحق الحاجة تكون غالية نحطها بلي مليحة مبغاتش تروح مني هاذ الصنعة

سهير.. تاعك panasonic...مش Braun

[ندعوك للتسجيل في المنتدى أو التعريف بنفسك لمعاينة هذه الصورة]

ما عنديش خاصية التعديل

هزيهم و عدلي موضوعك

تاعك مدايرين فيها سيستام مخفض الالم

شفتها من العلبة... زعمة كي يجبدوا الشعرة وحدها توجع

و كي يحكموا اللحم من جيهتين و يجبدوا الشعرة.. ما يكونش ألم

حتى تاعي... فيها مخفضات الالم.

هاذي نتاع اختي نتاعي خبيتها
نتاع اختي عندها عامين ونص شراتها قبلي
راهي مليحة وكي وعدت نحط نتاعي ملقيتش نتاعي حطيت نتاع اختي لانهم نفس النتيجة
اما تنقاص الالم لالا هذاك هدر برك مجرد اشهار
بصح لازم تكثري الاستخدام باه ينقص الالم خاصة الابطين ميزراقوش يعودو بويض يقولو على الرجينة تجبد اللحم معناها يكونو تجاعيد هاذي لالا هكا يقولو يعلم ربي

أنا أصلا ما توجعنيش خلاص

ندير بيها و انا نتفرج و الا نحكي... يعني بدون اهتمام للوجع..

أما الابط... كل مرة نقول نجرب... و ما والاتش..

و مادام قلتي ما توجعش... نجرب مع المرايا و خلاص...

أكيد خير من الجيلات.... ب 1000 مرّة.

راكم عمتو عليها و الله مشيتو الحالة يعطيكم الصحة

شكرااا انا حبة سكر هاااااااااايلة بصح تاعي مانقدرش ندير تحت الابطين نخااااف كيما سموحة و كي نخاف نعرق و تصبح صعبة الاستخدااااااام هههههههههههههههه

انا تاعي قديمة فيها غير ملاقط لذلك توجع نتاعكم راهي من الجدد مفصولة الملاقط....

عندي صحبتي قاتلي نديرها في المنطقة و قاتلي تولي كيما نتاع لي بيبي ههههههههههههههههههههههه مانعرف صح و لا لالا هههههههههههههههه

الف شكر غالياتي على تنويركم الصفحة الله ينورلكم حياااااااااتكم

شفتي منولة كيفاش نشطوا المواضيع..ههه

أنت جيبيلنا الافكار.... و أحنا نديروا راينا...ههه

ايه... دارتها أختي كي كانت عروس.. دارت كوراج و رجعت مموشة... هههه

لكن الأن .... ما تستعملهاش ثم.

هذي تحب كورااااااج كبيييييييييير

يعطيكم الصحة يا بنات
سموحة أنا نتاعي كيما انتاعك بصح أتجيني اطول و عييت انوالفها و توجع هي اذا كانت الشعرة ماهيش اخشينة متوجعش بصح العكس مؤلمة

الي تحب ما تتوجعش أول استعمال

ندبّر عليكم دبارة

ابداو بالرجينة la cire...عادي... و بعد ظهور الشعر الجديد... أنزعوه بالماكنة و هو رقيق في بدايتو

و كل مرة استعملوها .. المهم ما تخلوهش يكبر كامل و تحصلوا...

أنا ما عنديش ألم... رقيقة و الا طويلة.. لأني ساعات ما نحيش فترة و يطوالي خاصة في الشتاء...

و كي نجي ننزع... ثاني عادي.

ممكن الي تحس بالالم أكثر الي شعرتها تكون خشينة... هذيك صح .. تنضر...

ديروا كيما قلتلكم... جربوا و خلاص.

شكرا على هذا الطرح الرائع و المعلومات غدا نروح عند البائع ونشوف راني شفت بزاف ماركات لشريت نوريهالكم

انا عندي كيمة انتاعك سموحة في الول جاتني صعيبة نحي بيها ونبكي مي ذركة نديرها غير كي نكون مستعجلة
وتقريبا راني نحي بالرجينة فقط
والحمد لله الشعر ووين ووين باه يظهر غير يظهر نحيه بالرجينة واذا صغير بالالة الفتاكة ههههههه
مي بنات ماتنسوش زيت نبات السعد بعد كل نزع راح يساعدك بالبزاف في انقاص الشعر وطول مدة باه يخرج

مشكورة حبيبتي على الموضوع وربي يخلي زينة ونحول
حبة سكر وسموحة هكذا نسميهم هههههههه

هههه

أمالا أنا زينة
و سهير هي نحوووول

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه

السلام عليكم
فكرتزني بآلتي عندي زمان مستعملهاش عادت تعمل صوت خوفني بطلتها بصح كيما قالوا البنات في الاول توجع امبعد عادي توالفي بيها انا نشبهها للدغدغة كيما واحد يدغدع يضحك فيك وتحسي مثل الطنين تاع الثريسيثي وكانو قاسك لاماس شوية ههههه
نحي بيها اليدين الرجلين والابطين عادي مكان اخر عمري ما حاولت ههه
الماركة دهبتلي غذوا نصورهالكم
السعر اشتريتها من فرنسا ب8000دج او 7000دج منيش شافية مليح عندي اكثر من 8سنين
الحقيقة رائعة

شكرا سموحة راكي ناشطة صح كيما زينة ربي يبارك فيك و يبعثلك ولد لحلاااال ياااااااااااااااااااااااااا رب

صحيتي لحوراء على الافادة صح سمعت بزيت السعد مي مالقيتوش؟؟؟؟؟؟؟؟؟؟؟؟؟

يارا شكرا على المرور و ياريت تحطيلنا الصورة نتاعها ذا بالامكان و رانا نستنو في الماركة بارك الله فيك

انا ماعنديش آلة اول مرة انشوفها انشوفها في الحوانت بصح ماعلاباليش انتاع ماه صح وفي التلفزيون كم انا غبية هههههههههه ماجاتنيش الفكرة لانو الشعر فيا مش كاثر بزاف خاصة منين زادو تحرقو سيقاني الشعر عاد مش كثيف ههههههه نستعمل مانكذبش عليكم الرجينة اتذوبلي في اليد عييت نستعملها وحوايج اخرين جامي استعملت نستعمل الجوتابل الله غالب هذا ما نعرف ههه ماتضحكوش عليا راني بدائية في حواج اخرين ههههههههه

يا بيبـبيشة......... وحدك

في التيلي مدايرة حالة...ههه

وش هذا .. وكتاش تحرقتي.... Shocked

ماكنتش نعرف.... الحمد لله جات سلامات..

الجوتابل مش مليحة... راهي تخشن الشعرة.

شفتي راني في التيلي غير اجي الاشهار كل واحد ابدل لقناة اسناو انشوفو هذيك اسناو انشوفو هذاك اما الحريق عندو 6سنوات والله الاولاد هبلوني قريب التلفاز انعود مالنتفرجش خاطر كل واحد احب القناة اللي بغا واتنوض عندي لاقار ونوض انطفيه بصح كيما اكونش شيخي تلقايهم زوج تيليفيزيونات وزوج ميكروات واعيطو اليوم الاستقلال ههههههههه

هههه.. هذي هي راهي صارية في كل البيوت.

الحمد لله الي تربينا مع قناة الجزائرية وحدها... و كوميك وقت واحد..ههه

حتى كي جا البارابول... ماكانش هكا قنوات الرسوم... و الفلاس

ربي يسترررررررررر

مشكورة أختي منال على الموضوع الجميل و نشكر كل الأخوات اللي نشطوه أنا عن نفشي عندي براون سيلك ابيل عندها قرابة 10 سنوات جابتها يما من السعودية لكن هايلة خير من تاع ضركا و فيها رأس واحد متعدد الاستعمالات لأنو ممكن تعديل الملاقط فيه حسب نوع الشعر و أنا كنت نستعملها للرجلين فقط و جربتها للإبطين و كان الأمر صعيب إلى أن اكتشفت ..................................... الطالك
حبيبتي سموحة جربي الطالك فالإبطين و راح ينقصلك الألم بزاااااااف و الشعر راح يتنحى بسهولة
و استعملت تاني زيت السعد و الشعر راهو خفييييييييييييييييييييف
هذه تجربتي نتمنى تكون أفادتكم
و بورك فيكم على الموضوع

الف مليون شكر على النشاط المبهر

حبيبتي بيبيشة سلامتك....و كي عاد الشعر عندك خفيف يا ريت تكملي بالآلة احسن لان الجوتابل دوك تخشنهولك......

سموحتي ربي يبارك فيك كملي على هذا النشاظ باه تدي دعاوي لخير يااااا رب

ام صفا يعطيك ربي ماتتمناي على المعلومة لي اول مرة نسمع بيها تشكرين انا سمعت بمعجون الاسنان يقولو يخفف الالم و يديروه قبل الرجينة بصح ما جربتووووش

تسلموا على المروور و المشاركة

انا عندي الشعر خشين وش تنصحوني نشري الالة؟

هههههههههههههههههه انااصلا الشعر اخفيف تقدري اتقولي مافياش هههههههههههههههههههه اتهنيت اتهلاو في ارواحكم

بارك الله فيك حبيبتي أم صفا

تجربتك أول مرّة نسمع بيها.

نجربها ان شاء الله.

***
رحيل.... ابداي بالرجينة.. و من بعد كل ما يبدى ينبت ديريلو الماكنة.. والله تهنّي علكيف.

والله كي تجيني مناسبة على غفلة.... ثم ثم نوجّد روحي.

من قبل نخدم la cire...و ما تجينيش صالحة ديما.. يروح وقتي و أنا نعاود فيها

و ساعات نجيبها من الصيدلية واجدة... أيضا مش مقنعتني...

جربيها و راح توالفيها و تعود هي ممّو العين....هههه

بصحتك شذى هذه نعمة من عند ربي هههههههههههههه

شكرايا بنات علئ هدا الموضوع انا ما عنديش هده الالة وحبيت نشريها لكن ما كنتش على بالي بلي تضر راكم رعبتوني وانا مانيش شاطرة في هده الامور اظن الرجينة ارحم وشكرا

» الحلاوة لنزع الشعر عن تجربة من عندي
» 28 وصفة رائعة لفرد الشعر المموج و تنعيم الشعر الخشن
» خلطات العناية بالشعر, تطويل الشعر, تكثيف الشعر