هيا يا الفحلات أسرع و أنجع طريقة لنزع شعر رأس الكبش

عيدكم مبارك و كل عام و نتوما بخير و على خير

بعد ما نذبحو الكبش

[ندعوك للتسجيل في المنتدى أو التعريف بنفسك لمعاينة هذه الصورة]

حنا النسا نبقاو نستناو في الراس و اول حاجة نديروها بعد الذبيحة هي الراس

[ندعوك للتسجيل في المنتدى أو التعريف بنفسك لمعاينة هذه الصورة]

كاين لي تشوطو على الطابونة

[ندعوك للتسجيل في المنتدى أو التعريف بنفسك لمعاينة هذه الصورة]

و كاين حتى لي ترازيلو ههههههههههههههههههههههههه

و كاين لي تسلخو

[ندعوك للتسجيل في المنتدى أو التعريف بنفسك لمعاينة هذه الصورة]

و سمعت بزاف صوالح على الراس مثلا لي تغليه و تم تم تنحيلو الشعر و لا لي تحطو في الالمنيوم و ديريكت للفور و مبعد غير تجبدو و تنحي الورق تلقى الشعر طار معاهو ....و.....

المهم كل واحدة تقوللنا على الطريقة المثلى لنزع الشعر من على رأس و أطراف الكبش

سمووووووووحة واقيلا نديرولو آلة نزع الشعر براون ياك ما توجعوش ههههههههههههههههه

و لا زيت النمل هههههههههههههههه

الآن الجد كل واحدة تقوللنا على طريقتها و اسرع الحلول

هيااااا يا الشاطرات

انا طريقتي انشوطو على الطابونة وان شاء الله انهار العيد راني انصوروههههههههههه

انا ندير لو كريم فيت هههههههههههههه

انا عن نفسي سمعت بزاف عفايس مثلا تحطيه في ماء مغلي داخل ساشي خشين و تخليه مدة و ممبعد تلقاي الشعر طاح بصح ما كانش كيما الطابونة صح عمل متعب و يطول بصح يخرج الراس ابيض و ممبعد نزيد نرازي لو حنا هكدا نخدموه

صح عيدكم

سلام صح فيه التعب بصح يجيء فيه البنة خير وهي فوق نار الخشب ويكون في الحديقة
نشغلوا النار بالخشب ونشوطوه عادي واطراف اللي مدخلش ليها النار نعملو اكيما يقولوا السفود
وهو عبارة على حديدة خشينة تحكميها بقطعة قماش لكي متنخرقيش وتكوي بيها
الشعر كله يتحرق
وربي يقدرنا ونرجع للاصل الطابونة لازم يجوز عليها
وكاين بشانيمو تاع الحداد سهلة خير وتكوني خفيفة
وكل مرة حسب الموجود

واو بالشاليمو هذي طريقة جديدة عليا بارك الله فيك يمينة

احنا في الدار نشاوطوه على الطابونة او الريشو بصح الطريقة السهلة والعملية هي

الشاليمو

[ندعوك للتسجيل في المنتدى أو التعريف بنفسك لمعاينة هذه الصورة]

حنا نديروه بالشاليمو يجي ليه ليه فرطاس مسكين خخخ

يعطيك الصحة يا مبدعة المواضيع..

يعطيك ألف ألف صحة على الموضوع..

يا ريت طرحتيه في قسم التدابير الخاصة بينا..

و لازم براون كبيرة (حصّادة)..هههه... باش ما تتبلوكاش من الصوف...

المهم

أحنا في البيت..مازال نستعملوا الطابونة... مؤخرا.. عدت أنا الي نشوط.. هههه.... زعمة نتعلم..

و راني حطيت النتيجة تاع التشواط من قبل في المنتدى... باش يقيموني..

كيما يقولوا.. غير نتفنن و نتحكّم في التشواط تاع الطابونة و من بعد نتعلم حاجة أخرى..ههه

أنا خالتي في وهران تستعمل الشاليمو.. قاتلي سهل و سريع..

و ما يتعبش خاصة الي عندها آلام في الكتف أو الظهر و تتعب من الجلوس تاع الطبونة و تحراك الرآس من جهة لجهة... خاصة اذا كان الراس كبييييييير... ههه

أحنا ما جربناهاش..

أما السليخ... ما نحبذهاش... لأنو البنة في الجلدة.. و اذا تسلخ.. وش راح يبقى فيه..؟؟

يبقاوا غير العينين مبلقين... هههه.. هذي الصورة ما ننساهاش..
كي كنت صغيرة.. شفت راس خروف تاع جارتنا مسلوخ... غير عينين الي راكبين... تشوكيت...هههه

المختصر

طريقتنا هي المعروفة العادية...

المهم أنا كي نكون نشوط... نكثّر من التقلاب...تقولي ماما.. لالا... ركزي بالجهة مليح... لأنو كي تبرد.. تصعب اني نحي منها الشعر... و ساعة ساعة نبلل البلاصة كي تنشف... باش الرطوبة تساعندي في نزع الشعر.

و ان شاء الله نلقاوا الي عندها طرق أخرى أو حيل...

يا خّاه... كتبت جريدة...هههه

بيبيشة كتب:: انا طريقتي انشوطو على الطابونة وان شاء الله انهار العيد راني انصوروههههههههههه

اذن كيف كيف رانا نستناو في الصورة نتاع العريس ديالك ههههههههه

ام وليد و ايوب كتب:: انا ندير لو كريم فيت هههههههههههههه

انا عن نفسي سمعت بزاف عفايس مثلا تحطيه في ماء مغلي داخل ساشي خشين و تخليه مدة و ممبعد تلقاي الشعر طاح بصح ما كانش كيما الطابونة صح عمل متعب و يطول بصح يخرج الراس ابيض و ممبعد نزيد نرازي لو حنا هكدا نخدموه

صح عيدكم

هذاك هو الطابونة هي الصح يعطيك الصحة

يمينة قبايلية كتب:: سلام صح فيه التعب بصح يجيء فيه البنة خير وهي فوق نار الخشب ويكون في الحديقة
نشغلوا النار بالخشب ونشوطوه عادي واطراف اللي مدخلش ليها النار نعملو اكيما يقولوا السفود
وهو عبارة على حديدة خشينة تحكميها بقطعة قماش لكي متنخرقيش وتكوي بيها
الشعر كله يتحرق
وربي يقدرنا ونرجع للاصل الطابونة لازم يجوز عليها
وكاين بشانيمو تاع الحداد سهلة خير وتكوني خفيفة
وكل مرة حسب الموجود

راني كذبت عيني كي شفت اسمك و الله غير توحشنك برشة برشة برشة ان شاء الله تكوني بخير

اول مرة نسمع بطريقتك امونة و مليحة على الجمر هايلة ربي يخليك

شكرا

انا كيما قالو الأخوات نشوطوه عالطابونه وراهى بنتى عندها عامين هي الى تقوم بالمهمه الصعبه وكيما قالت سموووووووه اذا سلخ وش مزال فيه من بنه

هههههههههههه انا تاني نشوطو على الطابونة ونستعمل مغرف قديمة نحميها مليح مليح للاماكن الضيقة

كيما نتاع العينين راها ايفايكاس

انا ثاني نشوطو وطريقتي كيما نتاع سموووحة
ضحكتني سموحة هههههههههه وضرك تنحي الشوك ولا لالا
صح فيها التعاب المشكل كي يكون الراس كبير وبالقرون الى نسوفري معاه ومنبعد معا الطابونة لغسيل وتنظاف
المهم عيد سعييييييييييد عالجميع

انا نشوطو على الطابونة يخرج هايل وكيما قالت على لاسليخ صح يبقا غير العينين مبلقين ههههههههههههههههههههههههههههههههه

وراني شريت شاليمو ان شاءا لله نجربو هاد العام ونقوللكم
سلام

وينك يا منال

الجريدة تاعي ما شفتيهاش...هههه

ههههههههههههههههههههههههههههه راني شفتها سموووحة و الله تفاجي على القلب ربي يخليك منورة المواضيع دايما

فكرة الشاليمو ملاحة نشريوه العام الجاي باذن الله بصح المشكل الزوج ديالي مايحبش الجلدة الفوقانية لذلك دايما نمد الرجلين لانو ما يحبش ياكلهم و الراس نكلحو بالتسلاخ و مبعد الغسيل مليح و نحيلو المخ نحطو في الفور نغلفو بالالمنيوم و مبعد كي طيب البطاطا و طوماطيش نحيلو الالمنيوم و نخليه يتحمر يجي هااااااايل

شكرا يا الغاليات على تنوير موضوعي ببصماتكن المبدعة....

» كل واحدة تدخل و تقوللنا كيفاش دير مع صوف الكبش
» الحلاوة لنزع الشعر عن تجربة من عندي
» طريقة عمل خبز النان الهندي جبنة الشيدار.طريقة سهلة و في متناول الجميع....أكيــــــــــــــــــــــــــــــــد بالخطوات المصورة