شكرا حوراء البتول

اختى حوراء انا كنت بعثتلك على الخاص شكر لكن لقيت من واجبى انى نشكرك امام كامل لبنات حتى هما ممكن يستفيدو من وصفة الى حطيتيها وباش نوفيك حقك والله انا من اول ما وضعت وصفة حسيت بالفرق الكبير على وجهى وكانت النتيجة رائعة اشكرك جزيل الشكر وربي يحفظك انتى وريمورا وكل لبنات الى يقدمولنا كل يوم جديد وما هو مفيد شكر شكر لكن جميعا ولى حبت الوصفة هاهى ليكم حتى تستفادو كامل






الحوراء البتول

اهلا
حبيت نفيد اخواتي ونعطيكم الشيئ الي نقدر عليه من وصفاتي الموجودة في بيت كل وحدة وهي غافلة عن اهميتها في جمالها ونضارة بشرتها خاصة
رانا نشوفو في مراكز التجميل شحال كثرو ولكن يبقى السعر الرهيب والغلا يصرع
وتاني النتيجة في اغلب الاحيان عادية ان لم اقل غير مرضية ويقولو لازمللك شحال من جلسة والجلسة الوحدة تسقام ب 400 الف
انا بصراحة يغيضوني الاخوات الي يخسرو وما يحصلوش على نتيجة تستحق المبلغ المدفوع على الاقل
علاه اختي الكريمة ما تعتنيش ببشرتك يومي وفي بيتك وباشياء بسيطة ومتواجدة عندك يومي
وعلى الاقل توفري دراهمك في شيئ تاني او تحطيهم في كريم جيد وينفع البشرة
لهذا انا حبيت نساعد كل اخت وحتى المقبلات على الزواج بل كل امراءة تحب الجمال انها تتحصل على البشرة الصافية المشرقة وتدعيلي بدعوة صالحة وربي يوفقنا الجميع ان شاء الله على فعل الخير ومساعدة بعضنا

الشرط الي نشرطو على الاخوات الي جربو اي خلطة او اي ماسك سوى من عندي او من عند الاخوات خبرونا ويقولونا النتيجة باه يتشجعو بقية الاخوات ونحفزوهم



****************************************
نبدا باول جزء على بركة الله وهو البشرة الوجه
نضافة البشرة
هذا شيئ مهم لازم كل وحدة تركز عليه لانو راح تبقى ديمة مشرقة وصافية وخالية من الحبوب والبونوار

فيه اقنعة سهلة وجد بسيطة لنظافة البشرة


اول شيئ ....قناع الكمون....

الكمون المرحي وهو الي نديروه في الحمص باه تفهموني كامل ماشي الكمون الاكحل والي يقولولو السينوج او الحبة السوداء

عندنا 3 ملاعق صغيرة كمون مرحي
وماء مغلى وسخون طبعا

نحط 3 ملاعق كمون في كاس ونضيف ماء يكون غلى ونحطوه مباشرة في الكاس قد مانبلل الكمون ويكون عاقد لاحظو مالازملكمش تعمرو الماء بزاف يكون عاقد برك
وتغطوه حتى يبرد
تغسليوجهك نورمال بالماء فقط وامبعد تنشفي وامبعد تحطي الماسك باطراف اصبعك بشكل دائري
في الخدين والانف والجبهة والذقن وحتى الرقبة انتي حطي وحكي بالخفيف على بشرتك
رح تحسي بشوية حرقان راه عادي ماتخافيش يتنحى
ديري لوجهك كامل وابقي ديري المساج مدة 3 دقائق وامبعد غسلي وجهك عادي بماء فاتر
الي يبقى من الماسك عاودي ديريه في بشرتك بعدما تكوني نشفتيها وخليه حتى ينشف على بشرتك راه تقريبا راح يدي 7 دقائق
امبعد نحيه بيدك ماشي باصباعتيك ديري اصباعك الربعة مع بعض وحكي غير بشوية ونحي امبعد غسلي بماء فاتر وامبعد بماء ورد واذا مازالت الريحة ديري في الماء الفاتر شوية قارص قدر 3 ملاعق وغسلي تقدري تديري خل تفاىح تاني
وكي تكمي خلاص مسحي بماء ورد بالقطنة على وجهك
وهكذا تحصلتي على بشرة نضيفة ومشرقة

ودعوة مليحة للحوراء

هذا الماسك تقدرو تديروه كل يومين

اذا شفتو فيه شوية احمرار وكنتم مزروبين للخرجة ممررو على الوجه بقطعة ثلج


تابعوني في الاقنعة الموالية الحوراء البتول

يعطيك الصحة ام فرح على هذا الموضوع أنا ثاني سييتو وعجبني بزاف لاحظت أنو يبيض ويخلي البشرة ناعمة و نظيفة ماشاء الله وكل الشكر لأختنا الحوراء البتول الله يرزقك بالذرية الصالحة انشاءالله بارك الله فيك شكرااا شكرااا مممممممممممح

بارك لله فيك اختي ام فر ح وبارك لله فيك اختي الحوراء البتووووول ويرزقك الذرية الصالحة ان شاء لله راح نجربو تسلمي

بارك لله فيك اختي ام فر ح وبارك لله فيك اختي نرجوووووووووووووووووسة ويرزقك الذرية الصالحة ان شاء لله