**عشوووووقة ***تطلب المساعدة

سلام لبنات واش راكم بخير حبيتكم تساعدوني وتفيدوني حبيت نشري عجانة ماركة كينوود بصح قالولي راه كاين كينووود امدرح وكينوود

الدوريجين والدورجين تميزو انو حرف kيجي بومبي لعندها فكرةة تساعد ني

وعليكم السلام

حبيبتي عشوقة انا معنديش فكرة عن العجانات في لبلاد لكن اكيد بلد الصنع يثبتلك انها اصلية ام مقلدة
وهناك فكرة اخرى هي القدرة او الاستطاعة نتاع العجانة كيما نسموها في الفيزياء وهي تقاس بالواط
هي الي تدل على جودة العجانة حسب مانعتمد عليه هنا بفرنسا العجانة التي استطاعتها 1000 واط احسن من العجانة الي استطاعتها 900 او 600 واط
وهذه المعلومة تكون مكتوبة في العلبة من الخارج او في الدفتر المرافق لها وفي اغلب الاحيان العجانة الي تكون مرفقة بكل الاكسسوارات تكون اقل استطاعة من العجانة الي تكون للعجن فقط
هذا كله حسب خبرتي هنا وان شاء الله يفيدوك الاخوات اكثر

انا ماعنديش وراني نخمم فيها قالولي العجانة اللي صوالحها انتاع اينوكس ملاح على لخرين اللي صوالحهم فونت لانهم ممكن انتاع الفونت يتكسرو بسهولة والله اعلم نتمنى كي تشري تحطي صورتها وسعرها ههههههه
**الصوالح هما الكا والفوي واللي يعجنو بيه ** وان شاء الله تلقاي مساعدة عند لبنات اللي يملكو خير مني انا ماعنديش ههههههههه

عشوقة كنووود والله ما عندي خبرة فيها لكن نشوف فيها بكثرة ويشكرو فيها بزااف
انا عندي ماركة
Boman صناعة المانية عندها ثلاث سنين عندي الحمد لله راهي تخدم مليح

لبنات افدوك

عشوووقة... اسمحي لي..

هذا وين تولهت لموضوعك

عجانتي الجديدة كنوود..... نصورها و نحطلك الصور... و نشوف حكايت k البومبي هذي... ما على باليش بيها.

نضرب طلة و نرجعلك الخبر

عشوووقة... وين قالولك k بومبي..؟؟

رحت شفت تاعنا.. لقيتها أكل مكتوبة للداخل.. يعني محفورة مش خارجة..؟؟


نشارجي لي بيل تاع الصوارة و نصورها... أصلا كنت وعدت البنات باش نحطلهم الصور.

حبيبتي عشووووووقةراني مثلك نحوس على عجانة كينوود درت بحث في قوقل لقيت نوعين كينوود شاف وكينوود ماجور ولاثنين لقيتهم هنا في ورقلة ياريت سموحة تقولي واش من نوع عندك والسعر نتاعها لانه هنا في ورقلة سعرها 6 ملاين و700الف

شوفي انا عجبتني هذا والله مانعرف اذا كانت توجد للجزائر ولالا زوجي قالي مازل لانه اخر صنع لكينوود

Kenwood Major Titanium Timer KM 040



[ندعوك للتسجيل في المنتدى أو التعريف بنفسك لمعاينة هذه الصورة]

رانا نستناو كامل في سموحتنا المنقذة والمدبرة الصديقة هي الحل لكل شيء هههههههههه راني نستنى حتى انا وياريت السعر من فضلك وهل اشتريتيها منا من باتنة ولا من العلمة وعذرا على الفضول ليك سموحة ولعشوقة

ربي يخليكم لبنات

ام بناتي هادي لحطيتيها راها روعة شفت منال العالم تخدم بيها

فيها ريزسطونس تقدري خدمي بيها مثال كرام باتسيير يعني المحرك يدور وهي طيب غير فيها

ان شاء الله تكوني فهمتيني

نعم عشووووووقة ايه راني عارفة اناشفتهاعند حورية المطبخ روووووووعة وولله عجبتني ماعرف ادا راهي متواجدة ولالا

صح عشووقة كاين كنوود مدرحا ماما شراتها قريب 3 ملايين وكي دارتها تعجن تكسر ت اليد لي تعج وما قدروش يصلحوهالها ورماتها والان راها عندها كنوود صنع الماني جابوهالها من المانيا بمعنى اصلية
المعلومات لي عطاتهملك الاخت ام عبد مومن صحيحة وتسهلك انك تختاري من الاف الانواع الموجودة بالسوق ونزيد نقولك انو السعر يلعب دور هام جدا

حبيبتي عشوقة انا نظن بلي نوع كتشن ايد هو احسن نوع لان كنووود فيه المقلد يصنع في الصين و يعملوه موجه لاوروبا وهو فراجيل راني شريت ميكسار ماكملش 6 اشهر و خسر