دبري عليا و ندبر عليك *2* ..... التهنئة بالمولود الجديد .....

السلام عليكن و رحمة الله و بركاته

عزيزاتي في هذا الموضوع الذي كنت اقترحته سابقا اود ان نتبادل افكارنا في اثناء مباركاتنا هكذا نهار تغيب على احانا واش تاخذ معها تمر على الموضوع لاستنباط افكار من اخواتها

واليوم حبيت نقترح موضوع الزيارة الخاصة بالتهنئة بالمولود الجديد :


غالبا واش تأخذي معاك؟؟؟؟


ونبدا بنفسي أنا

غالبا اذا كنت نعرف المرأة اللي ولدت عندها حالة مادية صعبة ناخذ معايا مبلغ مالي نساعدها به و نحطوا للمولود و هو من باب المباركة و ايضا بنية المساعدة

اما ان كانت مثلا اختي اسألها عن واش يخصها و نلحقهولها



و لكن غالبا نهار تكون الهدية لشخص مقرب بالمولود مثلا اخواتي او اخوة زوجي تكون هديتي من هذا القبيل :




سرير البيبي و طبعا حسب ترتيب المولود و غالبا يكون للبيبي الأول





حاملة البيبي وانا غالبا اخذ اللون ميكون زهري مايكون ازرق باش تقدر صاحبتها تستعملها مرة اخرى



كرسي الطعام

او مشاية اطفال





أو بانيو الحمام و ناخذ معاه طاسة استحمام و حقيبة فيها لوازم الاتحمام و يكونو نفس اللون

[b]

أما كي تكون المرأة بعيدة يعني ما تربطنيش بها علاقة قوية غالبا ما تكون الهدايا كما الناس

نروح لمحل الاطفال و نشوف و لكنني دائما نحب اختار المميز اللي يخلي عندي للطفل بصمة لما يكبر و تقولو امه هدي من طاطا

تعرفو؟

غالبا في اهدائي منهديش للبيبي و انما لما يكبر مثلا مفرش سرير اطفال

اذا كانت بنوتة اختار مثل دورا او اي شيء و اذا كان صبي اختار مثل شان ذي الشيب او سبايدر مان

هذه امثلة

أو ربما حاملة البيبي







والان اليكن الخط و زودننا بأفكاركن

اختى انا هديتى دائما مبلغ مالى سواء لقريب او البعيد نقول بلاك ما يعجبوش ذوقى او تكون الحاجة لشريته عندوا شكرا الله يخيللك اختى

فعلا اناهيد انت محقة لكن القريب كما قتلك دائما اسال قبل ما نمدلهم هدايا و الناقصة نجيدها اما البعيد فافضل المبلغ المالي

انا الحقيقة أقاربي لي من جيهتي نسقسيهم وش يحبو ونشريلهم ولا نعطيهم قيمتها أما لي راهم من جهة راجلي نعطيهم الصوارد يحبو هكا ههههههههه و لي بعاد من كلتا الجهتين نعطيهم صوارد برك

شكرااا على الموضوع

اغلب لي يروحو يباركو للمراة التفساء ياخدو هدايا للمولود او نقود لكن مرة خالتي جابت هدية لاختي النفساء عبارة عن ثوب جميل بالبنوار نتاعو والله كانت الهدية قمة وعجبتنا بزاف وخرجنا عن المالوف

بعد 07 أشهر حابة كل وحدة تهديلي حاجة من هذوا