ما هي طريقتك في اعداد الشاي ؟؟؟؟

السلام عليكن و رحمة الله و بركاته
الشاي الشاي
اتاااي اتاي

ومن منا لا يحب لاتاي
ولكن من منا تتقن صنع التاي ؟؟؟؟


حبيباتي لانني اتذوق عند العديد التاي و اجد في كل بيت مذاقا مختلفا

اردت ان نتشارك طرقنا في التاي و نتبادل النصائح فيه

مثلا :

انا حماتي تقول لي :

عمرك يا فسحة أمل ما تخففي التاي بالماء بل اعملي تاي خفيف و زيديه فوقو وو إلا يفسد

النصيحة الثانية من الساخن فوق التاي


و هناك اخرى و هي صديقة اعطتني نصيحة و هي :

عمرك ما تحلي التاي يعني متسكريهش و إلا يقراص اذا طول

اه و هناك ايضا نصيحة اخرى من حماتي

عممممممرك ما تسخني التاي مرة اخرى اذا برد رايح يفقد مفعوله




ههه نصائح عديدة

انا عن طريقتي رايحة نقوللكم طريقتي في التاي :

أولا الطريقة الأولى : و هي طريقة الوالدة و من بكري هكدا نطيبوه في بيتنا

نغلي الماء في قدرة و نحكم التاي المقدار المحدد و نغسلو شويا و نرميه فوق الماء الساخن و كي يولي قريب يطيب و يطلق نرمي فوقو النعناع و نخليه شويا يغلي ثم نطفي و نغطي و نخليه يطلق



نجيو للطريقة الثانية و هي طريقة زوجي :

غلي الماء
خذي فنجان اتاي معمر بالشاي متغسليه ماوالو و ارميه فوق الماء المغلي و احسبي ل 10
نقصي النار و خليه يتغالا مدة 10 د
حطي في الابريق او في الكؤوس وريقات النعناع
احكمي قدر اخر بعد ما تصفي التاي و اعملي السكر فيه و ابداي كشكشي
يعني نفرغ من قدر لقدر مدة 7 مرات الى 10 مرات
و يصب و بسم الله


الطريقة الثالثة و هي طريقة حماتي وهي نفسها طريقة أريج الورد اللي اشتقنالها جدا و هي :

غلي الماء في قدر
و خذي قدر اخر و خذي التاي المقدار تاعك ضعيه في صفاية
واغسليه بالماء المغلي
مقدار الغسلات على حساب واش تحبي ثقل او خفية التاي
ثم ضعيه في قدر جديد و صبي فوقه الماء المغلي و نقصي النار و خليه يغلي مدة 10 د
حليه بطريقة القدرين و قدميه بعد ما تضعي في الابريق النعناع





هيا اخواتي هادو الطرق اللي تعلمتها وانت ما هي طريقتك ؟؟؟؟؟؟؟؟؟؟؟؟؟؟؟؟؟

و ماهي النصائح اللي تقدميهالنا في اعداد الشاااااااااااي

اهلا اختي فسحة ان شاء الله تكوني بخير
انا نغلي الماء و نغسل بيه التاي مرة او مرتين هاد الطريقة تنقص من مرارتو
بعد ما نصفي التاي نحطو في قدر ماء يغلي و نخليه فوق النار مدة عشر د
بعدين نحط فوق ربطة نعناع و نغطي عليه و نطفي النار و نخليه يتعطر
و السكر نضيفو عند الاستعمال لانو مع الوقت يخليه يتبدل لونو و طعمو

طريقتي نفس طريقة زوجك وهايلة بالفعل