وصفة ليدين ساحرتين ,,,,,,, لعرائس المنتدى

وتش حوالكم لباس كلنا نعرفو انو فصل الشتاء ياثر بزاف على البشرة نتاعنا وخاصة على اليدين يخشانو او يتغير اللون نتاعهم على هذاك انا خممت على حبباتي الي راكم في المنتدى او عجبنب وحد الماسك او جربتو متامنوش النتيجة كانت روعة ايا قلت نعطيهلكم وخاصة الي رايحين يتزوجو لازم يكونو في كامل الاناقة والجمال بلا منطول عليكم نبداو بالمرحلة الاولى لانو يتكون هذا الماسك على ثلاث مراحل (التقشير والتنعيم وازالة الجلد
الميت )

والي هي مرحلة التقشير :

ملعقتين اكل ملح طعم و نصف ملعقة أكل عصير ليمون
الطريقة
فى صحن نضع الملح وعليه الليمون وندعك كل اليدين بالخليط مع استخدام فرشة أسنان لدعك الاظافر بالخلطه لتبييضها و صنفرتها وهذه الطريقه تاخذ 5 دقائق من وقتنا فقط
لا ننسى انو الملح كمطهر سيزيل اى فطريات على اليدين والاظافر..مع قدرته على ازالة الجلد الميت المسبب للسواد والتصبغ على جلد الاصابع..والليمون بصفته أقوى مصدر لاحماض الالفا هيدروكسى الطبيعيه (احماض الفاكهه) يعمل على تبييض الجلد وتجدد الخلايا مما ينتج عنه بشرة طريه متجددة وذات لون متوحد.
* بعد الانتهاء تغسل اليدين بماء دافىء وتجفف.
المرحلة الثانية (مرحلة الترطيب والعلاج المكثف لكل مشاكل اليدين والاظافر)

المكونات:
كوب ونص حليب كامل الدسم (الطازج)
ملعقة أكل ورد مجفف نلقاوه عند العطار او بائع الاعشاب او نغيروه بماء الورد
ملعقة أكل زيت اللوز الحلو
ملعقة أكل جليسرين سائل
الطريقة
ناخذ ايناء يكون كبير باش نقدرو نغمسو فيه يدينا نضع فيه الحليب وزيت اللوز والورد ونضعه في ميكرو اند يسخن مليح باش الورد يطلق ريحتو في الحليب والحليب يتغير الون نتاعو نحوه او نحطو اليد الاولى او نخلوها مدة 5 د يجب انو يكون الحليب سخون قد ما نستحملو نحو اليد الى حطيناها او نرجعوه في ميكرو اند يسخن مليح او نحطو اليد الثانية بنفس طريقة الاولى نحو الايدي او نغسلوهم بالماء البارد جدا ثم الماء الدافئ جدا

المرحلة الثالثة (مرحلة التغذيه وتدليع اليدين) وهى اهم مرحلة

المكونات: ملعقة أكل عسل و ملعقة أكل زبدة تكون موضوعه فى درجة حرارة الغرفة و كبسولتين فيتامين E
نخلط العسل والزبدة فى اناء صغيرون ونفتح كبسولات الفيتامين بدبوس او ابرة ونخلط الكل وتوزع على اليدين...باطن اليدين وظهر اليدين..
ونكون قبلها مجهزين قفازين بلاستيك المستخدمين فى المطبخ او لصبغ الشعر( الشفافين) ونلبس القفاز فى كل يد..
وأكيد كلنا عندنا قفازات المطبخ الكبيرة المستخدمه لمسك طناجر الطبخ نلبسوهم فوق الالقفاز البلاستيكي او نسخنوهم بالسيشوار او نقعدو بالقفازات لمدة 20 د كي تمر المدة نحو القفازات او نغسلو بالماء البارد ثم الدافىء وفي الاخير نمسحوهم او ندهنوهم بشوية حليب الاطفال لتنضيف
او بصحتكم

او لوكان تودبو هذا الماسك مرة في الاسبوع صدقوني رايحين تفرحو بزاف بيديكم وخاصة العرائس صدقيني يوم العرس كي يدرلك العريس نتاعك خاتم ريحا تبهريه بلبياض اليد نتاعك او بتوفيق انشء لله او نشكر صاحبة الماسك الي هي اعطتهوني او نقلها ربي يطول في عمرك يا رب

امممم... انا الاولى الي رديت....

يعطيك الصحة على هذي الوصفة... تبان طويلة بصح النتيجة على حساب الخدمة و المكونات تخرج اليدين ناعمين و باهيين....

هذي مش غير للعرائس.... اكل نحتاجوها.....ههههه

بارك الله فيك.... نجربها باذن الله.

والله ياختي الجميلة اعلم انك انتي جميلة بدون اي مسكات اشكرك جزيل الشكر على الرد الذي افرحني كثيرا قبلاتي لك ياالغالية


             

بارك الله فيك نجربها باذن الله.   

شكرا اختي علي الوصفة