الحلاوة لنزع الشعر عن تجربة من عندي

تذكير بمساهمة فاتح الموضوع :


[ندعوك للتسجيل في المنتدى أو التعريف بنفسك لمعاينة هذه الصورة]



اخواتي اليوم جبتلكم طريقة كيف تصيري يحضري الحلاوة في بيتك وكيف تستعمليها
يالله نبدأ على بركة الله
خدي اختي 7 ملاعق صغيرة سكر + عصير ليمونة كاملة + املئي نصف قشر الليمون بالماء وضيفيه ضعيها على نار هادئة وخليها حتي يصير لونها دهبي فرغيها في صحن مدهون بقليل من زيت اللوز او زيت الزيتون وخليها تبرد شويا ثم قومي بتدليكها حتي يصير لونها يميل الى البياض هادي هي الحلاوة
الان طريقة كيفية نزع الشعر بيها خدي قطعة من الحلاوة وضعيها على المكان المراد نزع من الشعر اطليها مع نبوت الشعر وانزعي عكس نمو الشعر وعيدي حتى تكملي كامل المنطقة
من بعد جيبي شويا ماء +ملح او حليب مع ملح وضعيه على المنطقة الي نزعتي منها الشعر وخليها مثلا ساعة الى ساعتين ومن بعد اغسلي الهدف من وضع الملح هو باش يغلق المسام وباش الشعر يطول ما يطلع
في الصيف الكتير من الاخوات تعبهم الحلاوة بالدوبان انا عندي الحل انثري على جسمك قبل النزع القليل من النشاء او طلط للاطفال ودلك لتجفيف المنطقة وكل مرة تشوفيها بدات تسيح او تلصق ضعي النشاء او الطلك

في الاخير نصيحة مني الى كل وحدة عندها بشة حساسة في وجها ما تستعنلهاش لانو رايحة تديرلها حبوب
ان شاءا لله نكون افدتكم وما تبخلو عليا بالردود واي سؤال انا في انتظاركم تقبلو فائق تقديري واحترامي سلااااام

[ندعوك للتسجيل في المنتدى أو التعريف بنفسك لمعاينة هذه الصورة]

شكرا اختي

شكرا لك

مروركم عسل حبيباتي

شكرا اختي انقذتينا :x

لا شكر على واجب حبيباتي واي سؤال راني في الخدمة
مروركم عسل

:السلام:
مشكور أختي على الموضوع أنا شخصيا أستعمل الحلاوة مند 6 سنوات و صراحة هايل الشعر يقل و يطول باش ينوض أنصح كل البنات باش يجربوها
:مش3:

بارك الله فيك اختي

سعدتو بمروركم الطيب ويعطيك الصحة اختي a.hind على التوضيح

شكرا لكى

:x مافي خلطة لازالة الدسة ارجوكي :سلمت يداك:

مشكوووووووووووووووووووووووورة انا جربتها على رجلي عيط عيطا يعلم بيها ربي لوكان درتها في ؟ منعرف واش يصرالي ههههههههههههههه

درجة درجة ختي سهير وراكي رايحة توالفيها وما تصيري تحسي بألمها

شكرا

بارك الله فيك اختى عاشقة ان شاء الله رايحا نجربها لخطر انا متسلحليش صنع الحلاوة

موفقة حبيبتي نينا سهام
اسدني مروركم ام حمزة ونينا سهام

ya3tik saha koti

الله يسلمك حبيبتي وان شاءا لله راح تجربيها وتقوليلي

:x :) حتى انا كن حابة المقادير مشكورة

:x :x :x :x :x

شكرا ليك انا كنت نحوس على المقادير هدي مقادير اخرى رايحة نزيد نجربها لان الريجة متصلحليش

:x شكرا على المقادير ان نديرها وتصلحليش فنشريها ....درك نجربها ......عفوا ممكن سؤال ..انا نستعملها يبقاو الناطق حمر بزاف .وينبتلي تحت الجلد حتان تتورم وتخلي مارة وليت بكلي بقع وليت نحشم بروحي ممكن مساعدة

اسعدني مروركم حبيباتي وبالنسبة ليك حبيبتي هجورة ان شاءا لله تبعي واش قتلك وان شااء لله ما راح تشوفي حبوب وادا ظهرت ادهني بزيت الزيتون راح يساعدك باش تروح ويمكن كذلك بشررتك حساسة عليها تخليلك بقع

يعطيك الصحة