سؤال عن حبوب منع الحمل

لا يخفى على احد ان حبوب منع الحمل على كثرة مضارها قليييلة ونادرة هذه الايام في الصيدليات الجزائرية فمثلا انا كنت نستعمل مارسيلون والان راهي غير متوفرة تماما بدلت للميليان جاتني غالية بزاف 50 الف تقريبا للشهر الواحد ومن بعد حتى هي قليلة وجربت ميكروجينون قريب ماهبلت منها ما والمتنيش خلاص
ارجو من المتزوجات يفيدوني واش يستعملو هذه الايام كحبوب منع الحمل

العجب ولا واحدة تستعمل حبوب منع الحمل اظن اني الوحيدة في الجزائر الي تستعملهم حسب الردود

:نائم:

لليوم الثالث على التوالي ولا رد مشكورين يا متزوجات المنتدى على تفهمكم :دابز:

السلام عليكم انا نستعمل سيرازات تاع المرضع ضعيفة بصح مليحة وقبل كنت نستعمل مارسيلون ثم مارفلون وفي زوز ملاح كاين ديان35 تاني مليحة بصح غالية ميكروجينون ماشي مليحة بصح كاين لي توالمهم روحي للفرمسيان و هو يورلك الانواع لي عندو و تاخدي رايي روحي لطبيب تاع النساء و هو يدبر راسو

شكرا اختي على الرد
اعلم بوجود كل هذه الانواع ولكنها غير موجودة حاليا في الجزائر وسبقلي رحت للطبيبة وعطاتني مارسيلون بالرغم انها غير موجودة
ملاحظة اختي سيرازات مليحة فقط كي تكوني ترضعي مليح يعني هي ضعيفة شوي مع مفعول عملية الارضاع نفسها الي هي مانعة للحمل تعطيك نتيجة مليخة ولكن اذا نقص منك لحليب خاصة كي يبدا الرضيع ياكل عموما بعد سنة او سنة ونصف يقل الحليب في الام لاعتماد الطفل على الاكل ايضا وهنا يقل مفعول سيرازات وتعود وحدها خفيفة تقدري ترفدي الكرش بيها وانا كنت نستعملها حتى لعام ونصف تقريبا وكي قل لحليب قريت المنشور الي فيها وزرت الطبيبة زادت فهمتني بلي لازم الان نوقفها ونستعمل اخرى مزدوجة التركيب مثل مارسيلون والميليان
ربي يحفظك

:السلام:

اسمحيلنا ام ظافر على تاخير الردود

انا متزوجة منذ 16 سنة عمري ماخذت هذه الحبوب وعندي 3 اطفال للاسف منقدرش نفيدك

انا من رايي استشيري طبيبة نساء

شكرا اختي هاوية الخياطة
ما قلتيليش واش من طريقة تستعملي باش تنظمي الحمل عندك لاني كرهت من الحبوب وضروني بزاف

السلام عليكم و رحمة الله
اختي قادرة تستعملي اللولب انا شخصيا درت نتاع 5 سنوات و كاين نتاع 3 سنوات وقت الي تحبي تزيد الاولاد تنحيه

يا اختى انا عندي عام ونص ملي تزوجت وبنتي عندها 8 اشهر راني حايرة كيما انتي راني نستعمل بريزارفاتيف الكاشي ضرني بزاف رانا فى نفس المشكل

السلام عليكم اختانا عندي 10 سنين زواج ونستعمل اديبال انا شخصيا مادارلي حتى مضاعفات حتى القلقة عادي مع الاولاد وحتى هو هذاالايام ناقص جربي تراه اديبال وقوليلي

تفاداي حبوب منع الحمل وديري طريقة الحساب أو عن طريق بريزارفاتيف
الحبوب راهي مظرة وعندها سلبيات كثيرة على صحتك وشكرااااااااا

عزيزتي انا تاني كنت نستعمل ميرسيلون و كي تقطعت راني نستعمل اديبال وراني حابة وحدة دير لي الصحة

نفس المشكل عندي اريد الحل