سندويشات ساهلة وبنينة

تذكير بمساهمة فاتح الموضوع :

السلام عليكم ورحمة الله

اخواتي الغاليات
اليوم حضرت سندويشات بعجينة العشر دقائق
اتمنى ان تنال اعجابكن

نزولا عند رغبتكن آية3 وام ريم وعاشقة الاسلام
ولتعم الفائدة
نبدأ بسم الله

[ندعوك للتسجيل في المنتدى أو التعريف بنفسك لمعاينة هذه الصورة]

حابين تعرفو المقادير يلا اعطوني دعوة خير
[hide]

بارك الله فيكن ولكن مثله
المقادير كما قلت سابقا استعملت عجينة العشر دقائق

هذه عجينة سحرية والله وكل المعجنات وكل انواع السندويشات تجي
رائعة جدااااااااااا بها
2كاس ماء دافئ
2 ملاعق اكل خميرة الخبز
ملعقة اكل ملح
2 ملاعق اكل سكر
5 الى 6 كاوس فرينة
نصف كاس زيت
لازم تكيلي نفس الكأس
اوكيييييييييييييييييي

طيب

اول شيء تحطي الماء في الاناء الي رايحة تخلطي فيه
ثم الخميرة ثم السكر والملح
و2 كاس فرينة
خلطيهم مليح
يكون العجين سائل معليش هذه المرحلة الاولى
خليه يتخمر لمدة 10 دقائق
كي تتخمر ضفي عليها نصف كاس زيت
ثم كملي الفرينة الي بقات
راني قلت 5 او 6 كاوس في المقادير لأن
الفرينة انواع كل نوع عندو خاصية مميزة في تشرب الماء
اوكييييييييييييي
طيب
اول شيء انت جربي كؤوس نتاع الفرينة ولا جاتك مرخوفة بزااااااااف زيدي غير بالشوية الفرينة

ثم خليها ترتاح مدة تتخمر

الحشو

الحشو راه فن كل واحدة تقدر تخترع آلاف الحشوات
وفعلا راه فن وحسب الاشياء المتوفرة عندك في البيت

انا اليوم درت الحشو التالي
بقايا الدجاج
اودجاج مسلوق مفتت
بصلة متوسطة
جبن مرحي
او جبن مثلثات
معدنوس
ملح

اول شيء تقطعي البصل وتذبليه في قليل من الزيت
وتضيفيلو الدجاج المفتت
وكي طفي عليهم
زيديلهم الجبن المرحي او جبن المثلثات
والمعدنوس المفروم
والملح
والفلفل الاسود
ولا حابة الحار زيديلو هريسة
او فلفل احمر حار
والقليل فقط من التوابل
وحطيه جابا يبرد

طيييييييييييييييييييييييييييييييييييب
نرجعو للعجين
ومن الاحسن انك تحضري الحشو قبل ماتبداي العجين

المهم نقسم العجين الى كويرات صغيرة
وخليها تريح مدة
ثم تبداي تحليها بالواحدة وتحطيها فوق بعضاها وتدهني بالزبدة بين كل قرصة واخرى
والعدد من الاحسن يكون 5 او 7 لا اكثر
ثم حاولي انك تحليهم مجددا باش ترقاق شوية القرصة
اوكييييييييييييييييييييي
طيب
خذي الحشو نتاعك ديريه فوق القرصة على شكل حربوش

ثم تلفي العجينة عليه
تتحصلي على حربوش
حاولي تغلقي الجوانب

ثم قطعيه الى مثلثات
ثم ادهنيها بصفار البيض
وحطيلها السينوج
وخليها تريح مدة
ثم دخليها الفرن
بشرط تكوني سخنتي الفرن قبل ب10 دقئق
لازم الفرن يكون سخون

اخواتي الحشو تقدرو تبدلوه كيما تحبو
سواء بالخضر او اللحم المرحي
لكن الاختيار والتفنن في ذلك

اما صفار البض من الافضل تضيفيلو قطرات من القهوة
متحتاريش فعلا القهو عندها مفعول سحري متشميش ريحة البيض نهائيا
وذلك عن تجربة

يلا كثرت عليكم
المهم اي استفسار انا جاهزة

شوفو تبان عجينة مورقة لكن ليست كذلك

[ندعوك للتسجيل في المنتدى أو التعريف بنفسك لمعاينة هذه الصورة]

انا بقالي لعجين قلت نجرب بيه خبز الدار على شكل وردة لقيتو هنا بالمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

واخيرا هاهي خبزات جاهزين كامل

[ندعوك للتسجيل في المنتدى أو التعريف بنفسك لمعاينة هذه الصورة]

قولولي واش رايكم

hide]l]