*** أريد حفظ القرنون في الثلاجة.. بطريقة مضمونة.. ساعدوني..Sammouha...***

حبيباتي... ههه أول مرّة نطلب طلب.

جربت مرة حفظ القرنون.. لكن النتيجة ما عجبتنيش... مع اني دعكتو بالليمون باش ما يتأكسدش.

حسيت انو بنتو و نكهتو ما بانوش.

هذو ايام القرنون.. راه سمين يهبل.. و عجبني.... حبيت نزيد نجرّب..... لكن يبقى مليح و بنين.

الي جربت طريقة.. تنوّرني.

اهلااااااااااااااااااااااا يا الغالية تاعنا

وطلبك فوق العين والراس


سموحة انا نقيه مليح ونحكو بالقارص ونخبيه في البراد والله يبقى كيما راهو


هذه هي طريقتي

وزيدي شوفي مع لبناااااااااااات يزيدو يفيدونا اكثر اذا كاينة طرق اخرى

بارك الله فيك حبيبتي ريمورا.

هذي هي الطريقة الي درتها... حسيتو ما بقاش بنين.

ممكن نوعية القرنون كانت ناقصة.

كاين الي يدير هكذا و يزيد يحطو في ماء غالي شوي برك و ينحيوه.

يقطروه حتى ينشف. و يحطوه في الثلاجة.

أنا تاني نعملو كيما ريمورا و كاين طريقة أخرى أنك تحطيه 3 دقائق في ماء يغلي و من بعد تحطيه في ماء مثلج باش يحبس طيابو و من ثمة تقدري تكونجليه و نتمنى الأخوات يزيدو يفيدوك

انا بالعكس مانشللوش خلاص حتى نبغي نطيبو ونشلو

سلام حبوبة .... شوفي كي تنقي القرنون دايما ادهنيه بعصير الليمون ماشي الليمونة لي تمسحي بيها ..اعصري كمية من القارس و حطي العصير في غميقة صغيرة و كلما تكملي حبة لوحيها فهذاك العصير و كي ديري الحبة الثانية نحي الاولى و حطي الثانية وهكذا حتى تكملي كلش ...تكوني حاطة برمة تاع ما تغلي
والآن نجيك للسر ههههه بعد ماتكملي كلش اغسليه مليح و لوحيه في الما يغلي و خليه حوالي 10 د
و صفيه و خليه يبرد
اذا كنت رايحة ديريه طبيخ خبيه في شكارة وحدة فوق بعضاه...و اذا كنت رايحة تخبيه للمحشي و غيره عندك 2 طرق: الاولى ديري الحبات في بلاطو بعديهم على بعضاهم و حطيه فالكونجيلاتور حتى يجمد ومن بعد خبيه فالشكاير
الثانية و لي انا نستعملها : في شكارة ديري حبة و اعقدي وزيدي حبة اخرى في نفس الشكارة واعقدي حتى تخلاص الشكارة تاعك ...هذي مافيهاش التعب
ونضمنلك بلي القرنون تاعك يبقى 10/10

شكرا عزيزتي أم صفا.. بارك الله فيكما.

غاليتي سموحة انا كل الخضروات نعملهم
نقطعهم ونوضعهم لمدة 5دقائق في ماء مغلي ثم ترفع بالمصفاة
وتوضع في ماء بارد لمدة 5 دقائق اخؤى مع قطع ثلج ثم ترفيعها وتتركها تجف من الماء ثم

توضع في اكياس او علب بلاستيكمية وتفرغ من الهواء ثم توضعيها بالثلاجة

بهده الطريقة غاليتي تحفط مدة اطول

وراني جربت القرنون ويقعد كما هو البنة والشكل

جربيها ومتخافيش

حبيبتي سموحة انا صراحة لم يسبق لي ان حفظت القرنون في الكونجيلاتور لكن
سمعت انه تنقيه مليح وتغلي ماء مع القليل من اللليمون وتحطيه في هذا الماء لمدة دقيقة وتنحيه وتضعينه مباشرة في ماء بارد جدا وان امكن تكون فيه قطع الثلج ثم يقطر قليلا وتضعينه في اكياس التجميد وتضعينها في المجمد
والله اعلم
انت جربي كل كمية بطريقة هاكا تضمني انك نوعتي في طرق التجميد
وان شاء الله تلقاي الي مجربة وتقدر تساعدك

حبيبتي سموحه انا ثاني نديرلو كما قالت الاخت ام عبد المومن نحطو في ماء مغلي ومن بعد في ماء بارد ونكونجليه بصح البنه تروحله واللون ميعجبش
انا نظن السر فالكونجيلاتور نفسو لازم نحطوه في مجمد خاص وليس في مجمد الثلاجه
خاطرش راكي تعرفي كل مرة نطفوها ونغسلوها هاكا يتغير لون الخضار والطعم طبعا

شكرا عزيزاتي على الطرق...

رونق الروح.. عندك الحق... عندنا ثلاجة خاصة كلها للتجميد.


والله راني نشوف في طرق متنوعة.

نتوكل على الله و نبدى هذا المساء....

بارك الله فيكن جميعا.

هههههههههههه سموحة اول مرة نشوفك تطلبي المساااعدة بصح نخاف من كثرة النصائح تصرالك كيما انا
في واحد الموضوع لقيت شحال من نصيحة باه نستفاد صراتلي كيما حكايت الى جاء يقلد مشيت لحمامة راحتلو مشيتو ههههههههه
نتمنالك التوفيق والى تصلحلك راكي ترديلنا بلخبر اوكي سموحتي

انا شخص نقيه مليح ونغسلو بماء مع عصير ليمون
ومن بعد نفورو مليح حتى يعود شبه طايب
ومن بعد نخليه يبرد براحتو ونحطو في الساشي نتاع المجمد او في علبة بلاستيكية والى المجمد
ونفس الطريقة نديرها للجلبانة والجزر و الخرشف
حنا هدو كامل نخدموهم ونخبوهم لرمضان
المرة الجاية نوريلك الطريقة

مباعد نديرهم في الأكياس... و الي شكلهم يصلح محشي... نديرهم مع بعض

يعطيك الصحة سموحة الموضوع جا في وقتو عندي قرنون وحبيت نخبيه

لكن طريقة حفظه مباشرة لم تعجبني وهذي طريقة ام نيفين هااااايلة

شكرا لام نيفين جاري التطبيق اختي ..جزاك الله خيرا

:سلمت يداك:

الحمد لله الي قدرنا نفيد بعضانا أختي أمل العرب

يالله.. شمري و ابداي... أنا الطريقة عطاوهالي من.. رحت نجري نطبّق.... و رجعت نجري نحطلكم التطبيق و النتيجة...ههههه

يعطيكم الصحه يا اخواتي وبارك الله فيكم هكذا نستفيد منكن لان كل واحده و طريقتها

انا شخصيا نقيه و نحكوا بالقارص و نحطوا يفور شوية و نخليه يبرد و نخبيه

اما طريقه سمووحه عجبتني انشاء الله نديرها و بارك الله في اخت ام نفين

بصحتك سمووحه و جزاكم الله كل خير وبركه

و الله كل الطرق جيدة لكني نفضل نكونجليه نيء لأنني سمعت أنو القرنون يجب تناوله بعد طبخه و لا يترك طويلا لأنه بعد ذلك ينتج مواد مضرت بالجسم و كذلك السلق و الله أعلم ة اللي عندها معلومات تفيدنا أكثر

بارك الله فيك غاليتي ام نيفين


وباااااااااارك الله في سموووووووووحة بتطبيقها السريع

ناجح مشاء الله عليك سموحة وزيد فكرة و طريقة ام نفين هايلة تبارك الله نجربوها ان شاء الله

شكرا على المرور.. راني طبقت طريقة أم نيفين.

و بالنسبة لحفظ القرنون.. ماما مش متشجعتلو من بكري... لأنها سامعة بلي فيه مشكل التأكسد.

ديما تديرو في موسم تاعو و خلاص.

لكن أنا حابة نخبيه.... هذي المرّة صلح...

و كي نقعد ان شاء الله نزيد نبحث على المواد الي تتحول.. و على مدة الحفظ.

شكرا ام نيفيين طريقتك قريبة لطريقتي

شكرا على التطبيق سموحة

شكرا اخواتتاتي على المعلومات والطرق الجيده للحفظ
وشكرا سموحتي على التطبيق بالصور خليتينا شفنا اللون رووووعه ابيض
شكرا ام نيفين بارك الله فيكم
انا ان شاء الله في هاذ الايام نخبي شويا لرمضان باذن الله
سلامي

يعطيكم الصحة يا حراير يسلموا الايادي
عندي مدة وانا نحوس عليها
جاري التطبيق ان شاء الله