بغرير هابل وخفيف من عند ختكم نور هدى

لمقادير[/color]:كيلو سميد رقيق رقيق بما يعادل 3 غرافا نتاع لحريرة

وكاس فريتة وصفار حبة بيض و2 ملاعق كبار خميرة الخبز والملح

و2 خميرة القاطو.

طريقة التحضير:تخلطي السميد +الفرينة+صفار البيض+الملح

على حسب الرغبة والخميرة نتاع الخبز ديريها في كاس وضيفيلها

شوي سكر وماء دافئ وصبيها على الخليط الاول ويكون كلش ناشف منبعد

حكمي روبو ولا ميكسور من الاحسن روبو ضعي فيه نصف الكمية ادا كان

روبو صغير وادا كان كبير حطيها كامل من بعد ضيفي له ماء دافئ

وخلطيه مليح بلروبو حتى تشوفيه دار فقاعات خلط مورا خلط به

متخسريش روبوك ومنبعد ديريه في باسينة وادا كان تقيل

ضيفيله الماء والخليط مايكون خفيف مايكون تقيل بزاف وغطيه وخليه يخمر نصف ساعة

وكي تشوفيه طلع زيديله خميرة القاطو وحركيه بملعقة وغي بشوي

حتى تدخل فيه لخميرة ومن بعد سخني مقلات طيفال مليح ويليق تكوني

مخصصتها غي للبغرير باه يجيك شباب وميتحرقلكش ونخليكم مع الصور

[ندعوك للتسجيل في المنتدى أو التعريف بنفسك لمعاينة هذه الصورة]

ومن الاحسن كلما طيبي بغريرة وحدة دخلي المقلات في الماء وتعاودي ديريها تسخن شوي

ودايما كرري هد العملية تساعد البغرير في التتقاب وبلا ميلسق وبلا ماتدهني المقلات

هدى نصيحة اختي نسمة هواء.

وهدا الشكل نتاعه وانا ضفتله دهان وشوى سكر به يجي بنين

نشا الله يعجبكم ودمتم في رعاية الله .
[ندعوك للتسجيل في المنتدى أو التعريف بنفسك لمعاينة هذه الصورة]