بريوش هايل و خفيف من مطبخ أم نيفين

تذكير بمساهمة فاتح الموضوع :

السلام عليكم و رحمة الله و بركاته


هاذاك النهار درت بريوش و جا بنين و خفيف و اليوم جبتهولكم باش تعطيوني رايكم فيه

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]


نبدأ باسم الله
1 كلغ فرينة+3 بيض + 1/2 كاس زيت + 2 م ك خميرة الخبز + كاس سكر + 1/2 م ص محسن هاذو كامل نديروهم مع بعض مرة وحدة فالعجانة و نخلطو كلش مليح و نبداو نزيدو فالحليب الدافئ بالدفعات
الدفعة الاولى كاس حليب دافئ و نعجنو مليح مدة 10 دقايق
الدفعة الثانية نفس الشئ كيما الدفعة الاولى
الدفعة الثاثة 1/2 كاس حليب دافئ مع اضافة زاست حبة كبيرة قارس
العجينة رايحة تكون رخوة بزاف و خفيفة
نخليها تخمر ربع ساعة ثم نكسرلها الطلوع باضافة 1 م ص زبدة طرية و نعجن حتى تدخل الزبدة مليح فالعجين و نخليها تخمر مرة اخرى ربع ساعة
من بعد نبداو نشكلو الحبات حسب الرغبة و ندهنو يدينا بشوية زيت باش ماتلصقش فاليدين
بعد هاذ العملية نخليو الحبات يخمرو مرة أخرى حتى يتضاعف الحجم ثم ندهنوهم بالبيض و نذري شوية سكر احرش من فوق و نطيبهم في فرن مسخن مسبقا في طبقة الفرن العلوية على درجة حرارة مرتفعة حتى يحمارو من تحت ثم نحمرهم من فوق
و شهية طيبة للجميع
نتمنى نكون وفقت فالشرح.... و اي استفسار انا فالخدمة


ماتنساونيش بدعواتكم ليا و لعايلتي بالصحة و الهنا

بارك الله فيك اختى والله يعطك الصحة على واش جبتناااااا

روعة حبيبتي بصحتكم

شكرا غالياتي ..نورتوني