اللي عندها أسرار في الطياب ماتبخلش بيها على اخواتاتها

السلام عليكم
لكل ربة بيت اسرار وتدابيروافكارذكية تستعملها لانجاح طبخاتها من معجنات اواطباق حلويات او سلطات وغيرها ،المهم اقترح علي كل عضوة المشاركة بتدبيرةاو سر من مطبخها الخاص وتكون قد جربتها بنفسها فتفيد بها باقي الاخوات و بهذا تعم الفائدة ونكون كاسرة واحدة والجزاء من الله خيرا

الاقتراح الاخر طبعا ان وافقتن على الاول ،هو ان تشارك الاخت بتدبيرة واحدة حتى يبقى المنتدى متجدد دائما بعمل اعضائه ،والتواصل مضمون بينهم


هيا ياالحاذقات ورونا شطارتكم وتفاعلكم مع الموضوع أختكم في الله


:D :D
سابدا اولا باسم الله
اذا حبيتي تقشري الطماطم بسرعة:
ـاشويها على النار رايحة تنسلخ القشرة
او ـمرري السكين على القشرة كانك تحكي من فوق لتحت ثم انزعيها بسهولة توقع زهرة شاططططططططططرة هههههههههه

حبيباتي في المنتدى حبيت نفتح هاذ الموضوع حتى نتبادلو الآراء فيما يخص أسرار الطبخ نعرفو كل واحدة وعندها لمستها في الطبخ أوالحلويات ماتكونش عند واحدة أخرى وتكون هي السبب في نجاح هذه الوصفات نشاء الله حتى واحدة
ماتبخل علينا بأسرارها ومايولوش أسرار حتي سر نتعكم نجبدوا القبايلية ههههههه

نتمنى من كل الأخوات التفاعل مع هذا الموضوع
وان شاء الله مايكونش الموضوع قد فتح من قبل
ياله يالبنات نشوفو اسرار طبخ بعضنا :x

:x السلام عليكم :x
عندك الحق اخت زهرة 15 هناك عدة تدابير بسيطة تغفل عليها الكثير من النساء
انا نزيدلك تدبيرة خاصة بالطماطم و هي وضعها في الماء الساخن لبضع دقائق
ثم الماء البارد سوف يسهل عليكي تقشرها

:استغفر الله :

حبيبتي سوف انقل لك الموضوع

الى قسم النصائح و ارشادات المطبخ

زهرة15 بارك الله فيك على الموضوع المميز

سوف اشارك بتدبيرتي

ان اردتي قلي اللوز في زيت

ضعي اللوز في زيت باردة سوف مع تحريك

سوف تلاحظين ان اللوز كله اخد نفس اللون دهبي

بحيت الاوضعتي اللوز في زيت حامية

ستحصلين على لوز محمر و اخضر غير محمر

او على للوز محمر و محترق

لي عودة بتدبيرة جديدة ان شاء الله

لان الموضوع قد نال اعجابي شكرا لك

موضوع جميل
عندي سر وهو
اذا نسيتي تشمخي اللوبيا البيضا فالليل وبغيتيها للغداء ماعليك الا تحطيلها لتر ماء عادي وتحطيها على النار وتخليها تغلي فبمرجرد ماتشوفي رغوة الغليان طفي النار وحطي عليها الغطا وخليها ساعه وحده روحي كملي شغلك وارجي ليها طيبيها عادي كما موالفه 20 دقيقه فلكوكوت واللوبيا جازةوطايبه متل الزبده
وشهيه طيبه

وانا نشارك بهذه الفكرة ارجو ان تعجبكم
اذا كنت دايرة شربة او حريرة وكذلك جلبان مرقة خطي من مرقة الجلبان وضفيه لشربتك او حريرتك تجيك روعة في البنة كذلك مرقة المثوم زيدي منها لل شربة او حريرة تعطيك بنة روعة

انا عندي اسرار درك نتفكرها
1- كي تطيبي الحمص وتلقايها بدات تطيب لكنها ماشي ذايبة حطي لها خميرة الحلوى ونقصي عليها خلاص تذوب زبدة امبعد داويها بالبصل والثوم والزيت والكمون والملح شوية وطفي عليها كي تسربيها عاودي حطيلها الكمون والزيت والبصل لمن يحبه طبعا
وانا الكمون تيعي نشريه حب ننقيه ونرحيه يجي مفعفع وفراش وريحتوا تهبل خصوصا مع الحمص
2-الزيت كي يعود فيه الماء ويتطاير قبل ما تقلي فيه ارمي فيه شويةملح يسكت هههههه
3-كي تلطخي ملابسك بالزيت اغسليها بازيس الماعن تروح خير من الصابون
4-والكوكوط كي تطفي عليها حطيها في الافابو lavabo وحلي عليها العين تتهناي من البخارفي المطبخ وتحافظي عليه نظيف وتختصري الوقت لانهاتتنفس ليه ليه
5-القهوة كي تحطيها في علبة الحفظ وتقعدلك في الكيس حطيه في الثلاجةتحافظي على نكهتها تقعدلك ريحتها مليحة ورطبة ما تشيحش
كي نتفكر نزيدكم
متبخلوناش

أنا عندي طريقة لامتصاص الروائح الكريهة من اليراد خاصة بعد عيد الأضحى و ريحة البوزلوف و الدوارة
بعدما تنظفي الثلاجة تاعك أعصري نصف حبة قارص و عوض ما ترمي نصف الليمونة تغمروها بالملح جيدا و نقببوها و نحطوه فالبراد داخل كامل و راح تتفاجأوا بالريحة كي تروح