كيف تنظفين ابريق الشاي

كلنا نعرفو ان لما نطيب الشاي راح يصبغ في الابريق لي طيبنا فيه وخاصة اذا كنت تطيبي فيه كل يوم

طريقتي هي نحط فيه الماء وخميرة كيميائية ونخليه يغلي راح يرجع جديد ولي عندها طريقة اخرى تفيدنا بيها

يعطيك الصحة يا حلّووومتي... طريقتك جديدة عليا ما كنتش نعرفها..

كانت ماما تستعمل اباريق شاي... و كانت هي الي تنظفهم...

والآن رميتهم.. و شريت تاع الزجاج... يتغسل عادي يخرج يلمع..

و كاين ابريق فضي راه عاجبني... ستيل جديد... و مزوّق.. درتو في بالي باش نشريه فايت و نسيت..

على بالك.. راكي ذكرتيني بيه...

هذا صح لازم نستحفظ بيه و نطبق فيه طريقتك.

ان شاء الله نتلاقاوا... و نشربوا تااي مع بعض...

شكرا غاليتي على المعلومة الرائعة

سموحة شفتي نتاع الزجاج شابيين اشريت زوج واحد تكسر والاخر راهم قاعد وحده

شكرا حنونة مرة اخر

شكرا حبيبتي احلالالام على الطرح القيم بالنسبة للابريق نظفو بشوي جافيل نخليه فيه ويخرج يلمع اوووووووووووووووووو نعصر فيه ليمون ومع شوي ماءخرج تاني رووعة علا بالك الحموضة تاني تنحي الاوساخ

فطّوووم... مليح نتعلموا كل الطرق...

شكرا أم بناتي على طريقتك... باين عليك تحبي التّاي..

انا نحط فيه ماء فيه شوية جافيل ونحطو يغلي هكدا يعود نظيف يبان جديد

ا

كاين طريقة اخرى الى يستعملوها امهاتنا وجداتنا من ايام زمان والى الان الكل راه مستغنى عنها الا الخبراء في طياب التاي وشربه وكيما تعرفو احنا في واد سوف مشهورين بطياب التاي ونميزو بين التاي المليح والى مش مليح والطريقه هي نظفو البراد بالتراب يعنى تحطي شوييي ماء وتحطي عليه التراب وتحكى مليح راح يخرج كانه جديد ومبعد تغسلي بالماء والصابون وجربو ا وردولي الخبر

اختي منال سؤال في محلو يعطيك الصحة ممكن تحطيه موضوع جديد باه يلفت الانتباه ويستفادو منو الاخوات



بوركتي اختي

يعطيكم الصحة لبنات وشكرا على المشاركات القيمة

manel.dz كتب:

شكرااا على الطرح المميز بوركتن بصح السؤال نتاعي كيف نحيو رائحة الحليبب من التيرموز و الله تبقى رائحتها نتنة؟؟؟؟؟؟؟؟؟؟؟؟
قالولي تغلي نعناع و تحطيه فيها....
ما رأيكن؟؟؟؟؟؟؟؟؟؟؟

اختي منال انا نفتحها من تحت ونغسلها من داخل هي والزجاجة ونخليها تنشف مليح ونعاود نغلقها باذن الله راح تروح الرائحة لان الحليب يدخل لداخل ويدير هذيك الرائحة

وكيما قالت الاخت ريمورا ضعي سؤالك في موضوع مستقل حتى يشوفوه الاخوات ويفيدوك اكثر

شكرا ليك احلام ربي يجازيك والله كنت نحوس على طريقة وراني لقيتها ربي يجازيك كل خير

سموحتي هذي الطريقة تصلح للابريق لي نطيبو فيه اما ابريق التقديم لي قلت عليه اضن ما لازمش يتحط على النار والله اعلم

ان شاء الله نتلاقاو ونشربو احلى تاي

fatima alaa ربي يهنيك حبيبتي

ام بنا تي العزيزة شكرا على مشاركتك وان شاء الله نجرب طريقتك

شكرااااااااااااااااااا عزيزتي ريمورا استفدت منك كثيييييييييييييييييييييييرا بارك الله فيك

اختي ام حازم ايييييييييييييييه فكرتيني في تاي السوافة اممممممممممممممممممممم وطريقتك ثاني فعاااااااااااااااااالة لكن نسيناها شكراااااااااااااااااا على التذكير

عزيزتي عاشقة الاسلام نورتيني حبيبتي مرورك اسعدني

شكرا على الطريقة قوليلى عندي ابريق شاي من انوكس نقدر نديرها و شكرا

والله يا اختي العزيزة ما جربتش الطريقة في ابريق الاينوكس لكن اضن تقدري لانو يمكن وضعو على النار راح نجربها في ابريقي ونقولك النتيجة

ونقدر ندير الفكرة هاذي للبرمة الى نفور عليها انا مالفة ندير غير نص حبة قارص فالماء ونخليها تغلى ترجع البرمة جديدة تصلح فكرة الخميرة حلومتي

راني قليل وين نطيب التاي لكن رايحة نحتفط بوصفاتكن المهمة اخواتي ...وخاصة حلووومة بالنسبة لطريقتك

في تنظيف ترموس لحليب ..اكيد فعالة لإزالة الرائحة اللي تبقى فيه...يعطيك الصحة على موضوعك

شكرا على تجاربكن المفيدة
انا نستعمل طريقة ام حازم وهي جد فعالة وخاصة للادوات نحاسية

ما شااااء الله

غبت يوم لقيت ردود متميّزة... بارك الله فيكن.

حلّوومتي.... أنا نطيب في طاوة... و نسكب في تاع الزجاج.. لأنو ما يصلحش تحطيه مباشرة على النار.

لكن مليح نتعلمو كل الطرق.. خاصة الي تكون بمواد طبيعية متوفرة.. أكيد مش راح تضرنا و ما ناخاسرين والو.

ب عجبني

سموحتي شفت البنات كيفاش اثرو الموضوع بافكارهم الرااااااااااااااااااااااااااااااااااااائعة

يعطيكم الصحة لبنات على الردود المميزة

سكرة يا العزيزة انا البرمة كي نجي نفور فيها نزيدلها قطرات من الخل هكذا ما تديرش الكالكار لانو الماء عندنا ماااااالح

بارك الله فبكي اختي على المعلومة
كاين طريقة اخرى نصف ليمونة مع الماء و اتركيه يغلى راح يتنظف و يلمع

شكرا لكل من ساهمت برد و نصيحة...

الرد هنا حبيباتي
وضعت موضوع مستقل باش الكل يستفيد
[ندعوك للتسجيل في المنتدى أو التعريف بنفسك لمعاينة هذا الرابط]

بالتوفيق لكن

ما عليك حبيبتي غير بالليمن والماء هاكا يصير ابريقك نقي