***... يالله يا شطّورات... و الطّابونة كيفاش تنظفوها...؟؟؟...***

يالله.... يخي كامل عندكم طابونة....

غير أم عبد المؤمن.. نضن ما عندهاش....والا لالا..؟؟

يا لحبيبة كون تشوفيني كي نحكمها...............................نحكمها بالروح نطلقها بلا روح

ههههههههههههههه


نخرجها اولا للبالكو ونجيب بنك نقعد عليه باه ماتغلبنيش ونجيب الشيتة حرشة


[url=http://www.0zz0.com][ندعوك للتسجيل في المنتدى أو التعريف بنفسك لمعاينة هذه الصورة][/url
] ونجيب بسينة نحط فيها ازيس والجافيل ونحكها نبرد قلبي فيها كانش دمار كامل لازم نتفكرو باه نرجعو فيها

ونحطها تحت العين ونحك بالشيتة ونخليها تقطر وتشيح مليح كي ندخلها للدار ندخلها تشعل شعيل


هههههههههههه
وهدي طريقتي لتنظيف الطابونة

:خخ يعطيك الصحة او لهنا rimora

موضوع قيم سموحة مشكورة حبيبتي بالنسبة لطابونتي اعتمد نفس طريقة ريمورااااا الالااني نسخن الماء هاك تخرجش مليح ما نستعملش المنظفات بدون مانفكر في دمار شامل هههههههههه الله يجازيك ريمورا لاني نستعملها في خبز لمطلوع فقط متغلبنيش

صح الطابونة صعيبة في تنقية تاعها ةخاصة اذا اهملتيها شوية انا ندرلا مزيل الدهونaigle ونخليه عشرة دقايق ومن بعد نحكها مليح بالشيتة ولا بالسلك الرقيق تاع الماعن واما العيون اذا تسدو درلها الخل في العيون ونيبتا حتى الغدوة نقيها بالبرة وخاصة بعد العيد الكبير علبالكم تشواط ههههه

اعطيك الصحة ريمورة والله ساعات كي يكون وحدا عندهاشغل فيه جهد تتفكر غير كاش زعاف قديم هههههههههه

بارك الله فيكن عزيزاتي يا شطّوراتي... شفتوا كيفاش... كل واحدة و طريقتها... و النتيجة واحدة ..

والله ضحكتوني يا بنات ....اللي عندها دمار كاين الحل ..." الطابونة " هههههه

ربي يبعد علينا الكل الدمار ويخلي كل ايامنا هناء

عزيزتي سموووحة تقريبا نفس طريقة الأخوات فقط اني أنظف الثقوب تاعها بأعواد الخيزران

بارك الله فيك حبيبتي ملكة سبأ على الرد و الاظافة

نفس طريقة الاخوات بوركتم حبيباتي

شكرا عزيزاتي

رحمة.. وينك... 8) 8) 8)

يا سموحة يا سموحة واش درتي فينا يا سموحة ,,,,,, شفتي خليتيني نغني عليك
درك جبيتيلي الطابونة خلينا على الاقل نمفوتو العيد و نظفوها مرة واحدة ههه
نفس طريقة التنظيف و عجبتي نتاع ريمورا تعبي physiquement لكن ترتاحي psychiquement كاش قلقة كامل تخرج

خلاص... بعد العيد نظفوها ... و نحطوا الصور ان شاء الله.

سامحيني سموحة هذا وين شفت الموضوع عجبتني طريقتك ريمورا تهبل تهبل تنحي الدمار للطابونة وللعبد


تقريبا نفس طريقتي وشي منستعملش مزيل الدهون نجرب ونردلكم الخبر شكرا حبيباتي

هههه ضحكوني لبنات
انا بالسلك نتاع الحديد نتاع لماعن وازيز خاصة السائل نحكمها فالحوش والماء سخون وهاي جاتك يا الطابونة خاصة بعد التشواط ولا لي دام نتاع الشخشوخة ولا لغرايف والعينين نضفهم بالعود ومنين نقصو النار ولا نزيدو ندير باجاكس وصابون الفيرج وحاجة باينة التويو نتاع الغاز ترجع الله الله دقول جديدة
مشكووووووووووووورة عالموضوع

... أكيد يا سكرتي.. التويو و الطابلة الصغيرة تاعها تاع الحديد الي تتحط فوقها... بارك الله فيك حبيبتي

نفس طريقة الاخوات بوركتم حبيباتي

شكرا سموحة تعبونا هاذو لحوايج صعاب خصوصا بعد ما نشوطو فيها المهم الجافيل والشريط الحديد ومعاها حتى ترجع تلمع
شكرا اختى

بارك الله فيك دلوعة و باسكال على المرور

اختى العزيزة اما انا هذه طريقتى و لا تضطرى لغسلها لانها طول و تتسرح مليح نفصل الطابونة و ناخذغير الكنون ثم ناخذ بسينة تع الحديد فيها الماء و ازيز و شوية جافال و نخليه يغلى ثم نضع الكانون في البسينة و نخلي تغلي لمدة 5 او 10د نقصي النار طبعا ثم انزعي الكانون و احكمي السلك نقى الثقب ثم اتركيه خبزينشف في الشمس النصف الاخر طبعا اغسليه بالشتة ويكون احسن ويتنقي عندما نكون نطيب فى الج

يعطيك الصحة اختي Aminata... أول مرّة نسمع بهذي الطريقة

يعطيك الصحة على المشاركة بطريقتك الخاصة..

سموحة يا الغالية والله غير الموضوع مليح بالنسبة ليا نفس الشء تقريبا انا ندرلها ازيس بريل او نخليها ربع

ساعة او من بعد نرجع نحكها بشية هاكا نوفر شوية دمار او نخليه للعيد الكبير مرة وحدة

هههههههههه

هههه... يا الطابونة يا المسكينة.... وش راكم مدايرين فيها...

بارك الله فيك أختي على مشاركتك... يعطيك الصحة...

فكرة أنك تخليها مدة.. صح مليحة و توفر وقت و جهد...

بارك الله فيكن حقيقة شاطرات وكل واحدة إستفدت من طريقتها وإستفدت لأنني لا أعرف تنظيف الكانو لكن الأن وبمساعدتكم وأفركاركن أستطيع غسلها جزاكن الله الف خير

مساء الخير يا الفحلات انا كي كنت في دارنا امي العزيزة تغسلها عادي بالسيلان والايزيس كيما قالو الاخوات بصح كي جيت عند عجوزتي لقيتها ما تعجبهاش هده الطريقة لانو هي تحط الطابونة على طابونة اخرى وتحرقها من جميع الجهات حتى رجليها حتى يعود الدخان طالع منها وتحكمها منبعد بالموس والسيلان وازيس واش نقولكم ترجعها تشعل تقول هدا وين تشرات