كل واحدة تدخل و تقوللنا كيفاش دير مع صوف الكبش

والله راني انشوف الكباش اداو عقلكم هذ المرة ههههههههه
ان الجلد انتاعنا نغسلو كي انكمل الدوارة انحيلو الدم والوسخ
ومن بعد انلفو ونحطو في كيس بلاستيكي نغلق عليه مليح
وانحطو في الليل حذا الفورنو باه يسخن بمرور يوم اويومين
نلقى الصوف نسلت وبكري كي كان عندنا الوسع كان شيخي
ما احلش الجلد على اثنين كنت نغسلو من البرا مليح ومن بعد
نحكم نغلق من الرقبة والرجلين الاولين بخيط ونفرغ فيه ماء سخون شوية
مش بزاف لا اطيب الجلد ومن بعد يرجع كي القربة وثم ثم نسلو يعني
في انهارو بعد اما ذرك الله غالب الوسع ماكانش يضطر شيخي احلو
زيد هو بعد كبار في العمر ما يقدرش اعافر يعني راجلي حضر ولالا كيف كيف
مايعرفش غير ياكل خلاص ههههههههه والصوف مورا العيد بايام غسلها
ولا ساعات نضطر نشيحها ومن بعد كي يسخن الحال ونغسلها

[img]https://2img.net/u/2711/22/40/00/smiles/1123271269.gif[/img]شة كتب:

والله راني انشوف الكباش اداو عقلكم هذ المرة ههههههههه
ان الجلد انتاعنا نغسلو كي انكمل الدوارة انحيلو الدم والوسخ
ومن بعد انلفو ونحطو في كيس بلاستيكي نغلق عليه مليح
وانحطو في الليل حذا الفورنو باه يسخن بمرور يوم اويومين
نلقى الصوف نسلت وبكري كي كان عندنا الوسع كان شيخي
ما احلش الجلد على اثنين كنت نغسلو من البرا مليح ومن بعد
نحكم نغلق من الرقبة والرجلين الاولين بخيط ونفرغ فيه ماء سخون شوية
مش بزاف لا اطيب الجلد ومن بعد يرجع كي القربة وثم ثم نسلو يعني
في انهارو بعد اما ذرك الله غالب الوسع ماكانش يضطر شيخي احلو
زيد هو بعد كبار في العمر ما يقدرش اعافر يعني راجلي حضر ولالا كيف كيف
مايعرفش غير ياكل خلاص ههههههههه والصوف مورا العيد بايام غسلها
ولا ساعات نضطر نشيحها ومن بعد كي يسخن الحال ونغسلها

الله يبارك بيبيشة مرا و نص ربي يباركلك في وليداتك يا رب يعني تنسليه ماشي تخدميه
هذي عادت طريقتنا الكل ماعادوش يحطو الهيدورة لأنها فعلا جيب المرض و الحساسية مع لي زاكاريان

الف شكر يا الغالية و صح عيدك

شكرا حنونة والله صح الكباش دارو فيكم حالة

انا من زمااااااااااااااااااااااااااااااااااااان مادخلش الجلد للدار كان يروح مباشرة للجمعيات لتلم الصوف لتزويج الشباب

هذا العام امي وصاتني نخليلها الجلد منعرف كفاه نديرلو البنات هي قاتلي ديرلو الملح وخليه حتى يجي وقت تجيبيه وانا خفت من الريحة ولا يفسد واش رايكم دبرو عليا

انا منين كنت صغيرة يما بطلت تخدم الهيرورة كيما اقول البعض احنا انقولو الجلد خاطر ادير الحساسية بصح نسمع اخرين اقولو احطولو الملح مليح يعني ماتبقى ولا بلاصة مش مدايرة الملح باه ما تديرش الريحة والله اعلم

كي كنت في دار بابا كانت امي تديرلو الملح باه ماينسلش وهدا بعد ما تغسلو من الدم.وثاني يوم عيد تغسلو مليح .تغسل وتعاود-عندك اومو راهو مليح-من بد تكسلو فوقحاجة تفرشهالو باه ما يتوسخش الصوف تاعو يعني الصوف تكون من الجهة التحتانية.تكسل وتشد اطرافو بالمسامير .باه ما يتلمش ويصغار.وتدهنو كامل بخليط من الحليب والملح والفرينة وتخليه يوم ليومين على هداك الحال.كي ييبس تلقايه اصبح اخشين وما يتجعدش.وما ينسلش على20سنة.مي انا في داري .يلموهم كل عام ويبيعوهم .ودراهمهم يروحو لبناء ا لمسجد

يعطيك الصحة منال

هذا الموضوع طرحاتو اذا ما غلطتش أونيسي نوهى...

و حكينا فيه

أستناي... نحوسلك على الرابط... كنزة عندها خبرة .. و قاتلي جربي طريقتي و ادعيلي...

لي رجعة ان شاء الله

lما جيت نلقاه.. بالسيف

لأنو العنوان ما فيهش حاجة عندها علاقة بالصوف

اليك الرابط

[ندعوك للتسجيل في المنتدى أو التعريف بنفسك لمعاينة هذا الرابط]

حنا نسلوه على حساب الصوف اذا كانت الصوف بزاف نخدموه اذا لالا نمدوه لجامع وهوا يمدو للجمعيات
اما انا نكرهو ونكره النهار الى نخدمو نحكمو نعمرو ملح وحليب ونغلفو في ساشي على حساب السخانة 2 ايام 4 يعود عليه واحد الريحة اخ ترهج ناتن وندخل فيه نلقاه ساهل نسلو ليه ليه المشكل ماشي فالتنسال التنسال ساهل المشكل فالريحة ترهج ومنبعد نغسل الصوف عادي
عيدكم اسعد

انا مايدخلش الجلد اصلا للدار كي يتسلخ طول ايمدوه للجامع الي كل عيد ايلمه ويبيعوه الاموال تاعو اتروح لفائدة الجامع

انا مانعرفش نخدموا اخلاص ماما اللي تعرف تخدمو
مبروك عيدكم جميعا

سموحة حبيبتي انتي نشيطة الله ايبارك كلموضوع جديد في المنتدى القاكي سارعت وجاوبتي عليه تستاهلي وسام النشاط ههههههههههه موح ليكي

كيما قالت الاخت شذي جامي يدخل لدار منعرفش كفاش ادرلو رجلي ههههههههه

فكرتينى بالريحه الى ترهج يا سكره وععععععععع العام هذا انشاء نديره في ساشي بلاستيك وبعد يومين يجينى ساهل في التنسيل صح عيدكم

انا بكري امي الله يحفظها كانت تغسلها مليح ومن بعد ديرلها الملح وتخليها يومين ومن بعد عاد ترجع تديرلها الحليب مع الامو او مع دقيق الشعير وتخليها حتى تخشن ومن بعد يبداو يحكو فيها


ومرات كانت تنسلها وتخدمها للوسائد مي دروك الله غالب الريحة اعععععععععععععععع وزاد الحساسية ولينا نمدوها


عيدكم سعيييييييييييييييييييييييييد

انا كي كنت في دار بابا كانت أمي ربي يرحمها تحط الجلد في كيس بلاستيكي مثلما هو معروف وبعد يومين

ولا 3 تنسلو و نغسلو الصوف ودركا في دار راجلي ما نكذبش عليكم ..اللي يطلبني فيه نمدهولو ...

ومرة قالت لي حماتي باللي تعمل له الجفال كي تحطو في الكيس ما يعملش الريحة لكن بالطبع لون الصوف

يتغير شوية ...

وزيد تفكرت كي كنت صغيرة قبل ما نبلغ وهو شرط أاساسي..جابت جارتنا الجلد وهو سخون كيما نحاوه ومسحت لي وجهي بالجهة الرطبة طبعا وقالت لي ما

نغسلش وجهي نبقى بيه حتى للعشية...قالت لأمي أن هذه الطريقة رايحة تخلي وجهي صافي وما ينبتليش حب الشباب وبالفعل يا بنات لا أدري إذا هي مصادفة أم

أن طريقتها كانت فعالة .....راني حكيت لكم لحكاية وما قلتش تجربوها ...قادرة تكون نفعتني وما تنفعش غيري....

مشكووورة على الموضوع أخت منال ...وصحا عيدكم

صح ملكة سبا الطريقة هذي القيت انا ثان دار راجلي اديروها غير يسلخو الجلد يبدا شيخي هو الاول احك وجهو بيه ويتداولو العملية بارك الله فيك

هههه ..بـبيـبشة... و شيخك وش قعدلو باش يمسح وجهو.. الحب تاع الشباب تلقايه جاه و راح بكري...هههه
الظاهر يحب يبان ديما صغير و متهلي في روحو..

أنا هذي العفسة أول مرة نسمع بيها تاع حك الجلد على وجه الطفلة قبل البلوغ...


حبيبتي شذى... شكرا على ملاحظتك.. بارك الله فيك.

ايه ضرك نجرب لبنت خالتي صغيرة نحكلها وجها واش خسرت وصح عيدكم