أنواع المجمدات(كونجيلاتور)

راني حابة نشري كونجيلاتور تاع الرفوف يعني بلاكاغ
ياريت الأخوات اللي عندهم منهم يفيدوني فلي مارك،
و واش رايكم في كوندور؟

thomson
هادي المركة عندها سنين وهي عندنا والله هايلة

شكرااا

شكراعاشقة اميعلى الاهتمام،، ممكن تحطيلي صور ،،وهل هو بلاكاغ ؟لأنوا اللي يجوا مثل الصندوق مانحبهمش.

بارك لله فيك اختي ايمان ماركة كوندور مليحة ومعروفة واونيان تاني مليحة عند دار شيخي وحدة عندها سنين ومازالها مليحة

ما فهمتش قصدك بالضبط

كاين هذا المودال المعروف

[ندعوك للتسجيل في المنتدى أو التعريف بنفسك لمعاينة هذه الصورة]


و كاين congélateur coffre

[ندعوك للتسجيل في المنتدى أو التعريف بنفسك لمعاينة هذه الصورة]



و كاين تاع 2 portes

[ندعوك للتسجيل في المنتدى أو التعريف بنفسك لمعاينة هذه الصورة]



وضحيلنا أكثر.... أو أبحثيلنا في النت على المودال الي حابتيه.

أنا قصدي الارموار،لاني نظن أنو عملي أكثر منcongélateur coffre
ولا ليكم راي آخر؟؟حابة نستفاد من خبراتكم.

تاعنا يشبه لهذا

[ندعوك للتسجيل في المنتدى أو التعريف بنفسك لمعاينة هذه الصورة]

عملي و يهز خير ربي... هو ENIEM....عندو أكثر من 10 سنوات.. يمشي و يجمد مليح

العيب الي فيه.. كي يتجمّد... بعض القجور يتبلوكاو كي نجبدهم.

مثلا... باش نجبد جلبانة.. كي نجبد القجر و نعاود نرجعوا.... يرجع بصعوبة... حتى نعاود نحط كيس الجلبانة فوق البوتاجي... و نرجع ندخل القجر ب2 يدين و بالحيلة باش يرجع.

و كي يكون ذايب... يمشي نورمال.

هذي تجربتنا مع الكونجيلاتور.. و ان شاء الله تلقاي نصائح باقي العضوات.

يعطيك الصحة سموحة حبيبتي على المعلومات،حبيت نسقسيك اذا يدير الثلج فوق الماكولات مثل الثلاجةولا لا؟،
ونتمنى الاخوات يزيدو يعطوني تجاربهم وخبراتهم سيرتو مع كوندور.

لالا.. مايديرش الثلج.... لكن يجمد مليح.

ربي يحفظك ويخليك