بناااات ممكن طريقة تخزين الشفلور في المجمد

السلام عليكم أنا عندي مشكل مع شيفلور كي نشريه يكحال ويفسد بما أنو معنديش عايلة كبيرة أنا وزوجي فقط ونشروا غير راس واحد ومنيش عارفة كيفاه نديرلوا باه يشدلي مدة طويلة علبالكم خسارة مهيش مليحة راني نستنى في خبرتكم أخواتي

والله ما عندي فكرة لكن انا جات في بالي طريقة لبنى عجبتني لو كون ديرهم دي بول كما دارت لبنى وتكونجيليهم على حسب وجبتكم واش رايك ولا تقليهم وتكونجيليهم والله اعلم

لازم تاكليه تم تم وقوليلو يجيب راس صغير قدركم ههههههههههه

لانو ماعندو حتى حل تخليه في الثلاجة يكحال وجربت طيبتو وقطرتو مليح واحتفظت بيه بالمجمد لكن الطريقة

فاشلة كي خرجتو بقى يطلق في الماء وماعجبنيش

الحل الوحيد الاكل مبااااااااااااااشرة


وزيدي شوفي لبنااااااااااااااااا ت ممكن كاش مايفيدونا بالجديد

أحنا ثاني.. كي يشري بابا... نستهلكوه ثم ثم.. و حنا في عايلة راح يفوت..

و ما دام انتوما غير في زوج.. كيما قالت ريمورا.. قوليلو يخير غير الصغير..

هو ثم ثم يتأكسد... و يعمل اسوداد.....

نبهي زوجك أنو يشري الي يكون أبيض مليح... و أوراقوا تبان جديدة .. لأنو الي فيه طاشات.. معناها مش جديد.

خبيه في كيس.. و حاولي تستهلكيه في أقرب وقت.

أرجو منك لو تعدلي العنوان

و حطي مباشرة فيه طلبك.. على حسب الموضوع الي راح تطرحيه.

بارك الله فيكم حبيباتي على ردودكم
سموحة حبيبتي ممكن تعدليه إذا مكانش مشكل الله يخليك

ما عنديش خاصية التعديل في هذا القسم.

شوفي.. ساهلة خلاص

ديري تعديل.... تحبي تعدلي النص أو العنوان.. كي تكملي... ديري ارسال.

كيما قالو الاخوات الشيفلور لازم تم تم تستهلكيه سي نو يفسدك وبالنسبة للتجميد انا عمري ما جربتو

أختي العزيزة نقي الشفلور و اقسميه لزهرات صغيرة و ديريلو الملح و التوابل و فوريه خليه يبرد ثم كونجليه على حساب الكمية المستعملة كي تجي طيبي اجبدي و فوريه و طيبي واش حبيتي

شكرااا عاشقةsinan