عجينه القطن لكل الاستعمالات بالصور

تذكير بمساهمة فاتح الموضوع :

نجي للمقادير

نضع بخلاط الكاس المقادير التاليه :
فنجال قهوه حليب ناشف .. ( نيدو او اي شركه ثانيه )
فنجال قهوه سكر
فنجال شاي زيت
كاس ماء
ذرة ملح
ملعقه ونص خميره .. ( ملعقة الاكل )

[ندعوك للتسجيل في المنتدى أو التعريف بنفسك لمعاينة هذه الصورة]

نخلطها بالخلاط جيدا

[ندعوك للتسجيل في المنتدى أو التعريف بنفسك لمعاينة هذه الصورة]

بعدين نصبها في وعاء العجن ( قدر او اي وعاء تستخدميه )

ونضيف عليها كاسين وربع دقيق ( طحين ) اي نوع تفضليه

[ندعوك للتسجيل في المنتدى أو التعريف بنفسك لمعاينة هذه الصورة]

وابداي بعملية العجن
اعجنيها بكل قوه خلي الهواء يدخلها
لمدة 10 دقائق تقريبا
شيليها من فوق لتحت بالقدر واضربي فيها بقووووه
بتلاحظي انها تخمرت بيدك شي بسيط

[ندعوك للتسجيل في المنتدى أو التعريف بنفسك لمعاينة هذه الصورة]

بعدها غطيها زيين وحطيها بمكان دافي مدة ساعه الى ساعتين

ملاحظات مهمه لنجاح العجينه :

1- لازم يكون الدقيق والخميره بحرارة الغرفه يعني مايكونوا باردين ابدا
2- الماء المستخدم بالعجن يكون دافي لاحار ولابارد
3- اذا حسيتي العجينه لينه مره وانتي تعجني فيك تضيفي شوي دقيق ..
4- غطي العجينه ولفيها بفوطه ( منشفه ) واتركيها بمكان دافي ( دولاب او اي مكان اخر )
5- عند فرد العجينه لازم تنثري دقيق قبل على مكان الفرد وتحطي العجينه وتنثري فوقها ايضا دقيق وبعدها تبدي بالفرد

الحين اصبحت العجينه جاهزه معاك
سوي اللي تبين

بيتزا صغير
افردي العجينه وقطعيها بالكاس قطع متساويه

[ندعوك للتسجيل في المنتدى أو التعريف بنفسك لمعاينة هذه الصورة]

رصيها بالصينيه واتركيها شوي لين تنتفش

[ندعوك للتسجيل في المنتدى أو التعريف بنفسك لمعاينة هذه الصورة]

واضيفي عليها لمساتك زي ماتحبي
بالنسبه لي دهنتها كاتشاب
بعدين مفروم دجاج مستوي من قبل
بعدها فليفله وبصل وزيتون وجبن موزريلا

[ندعوك للتسجيل في المنتدى أو التعريف بنفسك لمعاينة هذه الصورة]

وهنا قرون الفلفل
فرغي الفلفل من حبوبه واحشيه اي حشوه تحبينها بعدين افردي العجينه وقطعيها خطوط طويله ولفيها على الفلفل زي الاقماع بالضبط

[ندعوك للتسجيل في المنتدى أو التعريف بنفسك لمعاينة هذه الصورة]

وهذي الفطاير المعتاده

احشيها باللي تحبين

[ندعوك للتسجيل في المنتدى أو التعريف بنفسك لمعاينة هذه الصورة]

خلية النحل
بالجبن تتكور وتحطي الجبن وترصيها بالصينيه

[ندعوك للتسجيل في المنتدى أو التعريف بنفسك لمعاينة هذه الصورة]

وحمريها وصبي عليها القطر ( الشيره )

[ندعوك للتسجيل في المنتدى أو التعريف بنفسك لمعاينة هذه الصورة]