اكلة تقليدية منسية

تذكير بمساهمة فاتح الموضوع :

بسم الله الرحمان الرحيم
8) 8) 8)

اليوم جبتلكم طبق تقليدي كانت الامهات والجدات يعملوه وانا تعلمتو من امي ربي يرحمها

هذا الطبق نعملوه للنافس خاصة في الشتاء ومليح لمريض بالزكام خاصة كي يكون حار

حنا الشاوية نسموها المقطعة او المقرطفة في المناطق اخرين ما علباليش كيفاه يسموها

المكونات
سميد رقيق
ملح
ماء

الكمية حسب العائلة

تبلي وتعجني باليابس يعني العجينة تكون يابسة كي التريدة

نخليكم مع الصور والطريقة

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما تقصيها ماتنسايش تمرغيها في الفرينة باه ما تتلصقش

[ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله تعجبكم

ملاحظة : لي يحب ياكل الخبز او الكسرة معاها تصلح

ونعملوها تاني بالفرماس يعني المشماش اليابس ويجي فيها ذوق الحموضة جي هايلة

ام يقين كتب:

ممممممممممممممممممم رجعتيني للصغر كنا ناكلوها في دارنا نسموها المقطعة بصح في العاصمة كاين اللي يسميها قطع و ارمي
هو طبق لذيذ و اللذة تاعه في اللمة على صحن واحد و السخانة و الحار مممممممممممممممممممممممممم هي تغلي و حنا نغلو معاها
صحيتي الحبيبة و الله في بالي نقول فيها شعر

ههههههههه مرسي اختي ام يقين نورتي موضوعي بردك الجميل

الفراشة الوردية29 كتب:

حنا في معسكر عجوزتي ديرها يسموها تارشتة بصح تزيد في المرقة الخضر قطع تعجبني بزاف خاصة في ايام البرد شكرا

صح اختي الفراشة الوردية تنحي الزدرة

sihem jijel كتب:

:x

مرسي على المرور الجميل

ام حازم 2003 كتب:

احنا نسموها الفتات ونزيدولها الحلبه والفرماس والحمص والفول أكله عندى مده طويله مذقتهاش راهى ماشاء الله

الله يسلمك
مشكورة

باسكال كتب:

مم بنينة خصوصا كى تكون حارة احنا مزال نعملوها لحد الان ونسموها الحسوة ونقطعها بيدى ماشى بالماكنة شكرا اختى

ههههههههه حارة وبنينة

انا تاني نقطعها بيدي بصح كنت مزروبة شوية :)

شمس المستقبل كتب:

اممممممممم
حنا في بريكة نقلولها المقطعة
حنا في دار بابا نديروقا بستمرار
وساعات كي نعود قالعدين نخدموها ونيبسوها ونخبوها
مشكورة حنونة فكرتيني فيها

مشكورة اختي احنا نديروها وناكلوها تم تم ههههه ما نخبيوش

ما شاء الله اختي باين طبق لذيذ لأنك تعلمتيه من الوالدة ربي يرحمها وهي الأصل

عمري ما ذقتها أختي لكن بفضلك تعرفت على اكلة تقليدية من بلادي العزيزة ...احنا لمقرطفة نسميوها لنوع

من العجائن شكلها مربع ...رانا نتعلمو من بعضنا

ملكة سبأ كتب:

ما شاء الله اختي باين طبق لذيذ لأنك تعلمتيه من الوالدة ربي يرحمها وهي الأصل

عمري ما ذقتها أختي لكن بفضلك تعرفت على اكلة تقليدية من بلادي العزيزة ...احنا لمقرطفة نسميوها لنوع

من العجائن شكلها مربع ...رانا نتعلمو من بعضنا

اهلا اختي ملكة سبأ

الله يسلمك ويحفظك
ان شاء الله تخدميها وتذوقيها وترديلي بالخبر :)

هي تشبه التريدة لكن نطيبوها بلا مانفوروها

مرسي على الرد الطيب

هذي راهي الحسوه عندنا في البرج نقطخوها باليد مينا قالتلك باسكال

و الله اليوم راكي درتي فيا مزيه درتها للغداء و تهنيت من التخمام

بارك الله فيك زيدي تفكريلنا كاش وصفه اخرى

ليلى زهرة الرمال كتب:

:( :o :( ما شاء الله..بسم الله
الله الله الله
اعليك يا ام ادم ربي يرحم البطن لشلاتك
حقا انها اكلة انموت اعليها احنا في بسكرة انقلولها لمقطعات
حتي امي ربي يطولنا في اعمرها تعملها وتجي امممممممم
روعة
الله يسلم يمناك بركتي عزيزتي :( :o :(
:مش3: :سلمت يداك: :سلمت يداك: :مش3:

الله يسلمك الله يسلمك الله يسلمك حنونتي ليلى زهرة الرمال

مشكورة على الرد الجميل والطيب

الله اخليك ويبارك فيك يارب

lilizelande كتب:

هذي راهي الحسوه عندنا في البرج نقطخوها باليد مينا قالتلك باسكال

و الله اليوم راكي درتي فيا مزيه درتها للغداء و تهنيت من التخمام

بارك الله فيك زيدي تفكريلنا كاش وصفه اخرى

ايه انا تاني نعجنها و نقرصها ونقطعها بيدي وعندي بزاف ما درتهاش انا وعائلتي ما حناش من هواة العجائن

وكل ما تجي وقت العشاء ولا الغداء نسقسي زوجي واش نديرلكم تاكلو يضحك :D ويقولي ديريلنا المقرطفة هههه

كل يوم كل يوم هديك نهار قلت والله نديرها ونحطها لحباباتي في المنتدى لي ما تعرفهاش تتعلمها

ايا خرجتو كامل تعرفوها الله يبارك

مشكورة اختي lilizelande على الرد المفرح

باذن الله لما ندير اكلات تقليدية اخرى نحطها خصيصا لمنتدانا الغالي ولك

يعطيك الصحة

roukia كتب:

يعطيك الصحة

الله يسلمك حبيبتي

شكر اختي ام ادم و بارك الله فيك وتسلمى حنا تانى نديروها دار بابا فى عىن فكرون وندىروها (خليع) تجى بننة تهبل ويعطيك الصحة

fira كتب:

شكر اختي ام ادم و بارك الله فيك وتسلمى حنا تانى نديروها دار بابا فى عىن فكرون وندىروها (خليع) تجى بننة تهبل ويعطيك الصحة

عين فكرون ماشي بعيدة علينا

احنا تاني تدييروها بالخليع بصح هاذي درتها عريانة ما فيها والو هههههههه

مرسي على المرور