***... الي عندها بوتاجي رخام... كيفاش تتعاملي معاه...***

انا كنت نستعمل جافال ايقل يجي على شكل جال مي دروك ندير بنصحية فطومة وان شاء الله نشري البرودوي الي قالت عليه

يعطيك م الصحة على كل التوضيحات بوركتن

في الخارج.. كي عادوا يفهمولو...

يحكوه و يرطبوه.. ثم يعملو فوقو طبقة رقييييقة تاع La cire شفافة.. باش تحميه... و تتبدل من وقت لوقت.

السلام عليكم
شوفي سموحة انا لانني كنت صفر في النتظيف فبديت ابحث دائما و نحوس و نجرب و نشري و نسأل
انا عندي نوعية الرخام اللي عند منال و هو صحيح حساس و لازملو دائما يبرق و الا رايح يولي اشهب و تولي من بعيد يبانلك كانه عليه طبقة من الجبس او انه هاداك وين جا من البنيان
حاولت و من بعد ما لقيت غير تع المطابخ اللي جبت عليها الرخامات و سالتها تعرفي واش قاتلي ؟

قاتلي ان الرخام هو من اغلى المنتوجات و ما هو غالي يكون حساس
حذاري من استعمال الجافيل عليه خصوصا اذا كان مركز رايح يرشيه او نقولو يفتتو و يخرجلك منو فتاتات زجاجية انت متشوفيهاش لكن مع مرور الوقت رايحة تلاحظيها من بهتان الرخامة يعني متصيرش كما اول يوم
و حذرتني ايضا من كل المنظفات و ايضا من الخل و ايضا من حبل السلك و ايضا من الملح
وقاتلي بكل بساطة ايزيس الاواني غبرة يكون او سائل هو المفضل اعملي رغوة و اغسلي بها
اذا كان بقعلك لانو انت عندك اللون الابيض اعملي عليه الغاسول ايزيس او اريال او اومو و خليه فوقو يتنفخ مع شويا ماء دافي و امسحي برغوة خفيفة و من بعد اغسليه

شوفي عند اختي هذا الرخام الابيض و بقعلها بصورة كارثية عليك بقع صحححح بقع واضحة

انا ثانى نستعمل ازيس تا الماعن بصح كنت مرات نمرر عليه منشفة فيها الخل نقول باش اى ميكروبات تروح مى عاد خل ماهوش مليح منزيدش ديرو شكر سموحة

ياي وانا مالفة نستعمل جافيل والخل نقول يقتل جراثيم
السع كي عاد يرشيه نكتفي بالماء ساخن مع ايزيس الأواني

شوفي سموحة جربي هذي الفكرة بالك تساعدك


الزيتون الاخضر كامل نرقدوه في الماء

هذاك الماء لي يكون ترقد في المدة الاولى


واش نقالك



ميمكنش تصدقي النتيجة نتاعو


جربي غير في شوية ورديلي الخبر

انا استعمل العملاق ينظف و يلمع لحد الان مساعدني ومش عارفة ادا فيه خطورة ممبعد المهم لحد الان نتائجه روعة على الارضيات و الفايونس و الرخام

بالتوفيق سموحة