ما طابلكش اللحم ارواحي نقلك واش ديري

اولا شكرا لسموحتنا الي نشطتنا ورجعت فينا الحيوية


البارح وانا ندير في العشا للضياف وقريب الحال واللحم مازال شوية قاسي تخيلو واش دبرت المرا الي تعاون فيا


قاتلي لوحي زوج ريسان ثوم بقشورهم وفعلا كااااااااااااانت النتيجة فوق ما نتصور اصبح اللحم طري كي الزبدة



مالا قلت نشارك بها اخواتي خصوصا الي معندهمش الكوكوط


والى فكرة ودبارة جديدة ان شاء الله

آآآه... على بيها ما بنتيش مبارح

وينو سهمي..؟؟

يعطيك الصحة.. أيضا فكرة جديدة و مليحة....

سؤال برك.. كي لحتيه بقشورو... كشما طلع ريحة زايدة تاع الثوم ..؟؟

أنا ثاني نحب اللحم طايب مليح و طري خلاص.. و الا ما ناكلوش.


بارك الله فيك

انتي ارواحي سموحة برك والباقي عليا هههههههههههههه


ابدا سموحة لا ريحة لا والو بلاك القشرة منعت الريحة والله اعلم

أممم... والله سخفت ناكل عندك...هههه
ذيعطيك الصحة على العرضة.

يااختي باتنة هنا سوطي تكوني عندي ونعاودلك واش درت للضياف والله زيارتك تشرفني وتسعدني حنونة

يعطيك الصحة اختي هدي فكرة مليحة للحم ......ديما عندي مشكل مع اللحم نقعد مع الميكرو وماننصبش

بكري ونبدا نجري .................وفكرتك تهنيني


انا الثوم بقشورو نديرو مع البطاطا المقلية تعجبني بيه وتجي بنينة

شكر على الموضوع و تسلمي على الافادة حبيبتي فكرة رائعة ماشاءالله ....

يعطيك الصحة اختي هدي فكرة مليحة للحم .. مشكورة على الفكرة نجربها ونستفيد

والله فكرة هايلة يعطيك الصحة

بارك الله فيك اختي والله فكرة مليحة يعطيك الصحة

فكرة مليحة حنونة اول مرة نسمع بيها

ونزيدلك انا فكرتين
قشور البطيخ اغسليها وخبيها في المجمد كلما اضطريتي ليها اجبدي قطعة ضعيها في المرق ورايحا تشوفي النتيجة

وتاني ارمي حبة تمر او اثنين في المرق رايحين يسهلو طياب اللحم


تقبلو مروري في انتظار افكار جديدة يا غاليات

مشكووووووووووورة فكرة مليحة خاصة و العيد على الابواب

فكرة مليحة بصح تبابني يا رحمة تكون فيها ريحة في المالكة الحمرة متهمش بصح البيضاء كيفاش ؟


على العموم ليحب التوم ميهمربش منو

بارك الله فيكن على الاضافات

هذي افادة مليحة رحومة دايما عندي مشاكل في طياب اللحم بسرعة اكيييييييييييد راح نجربو

فكرة هايلة بارك الله فيك خاصة و العيد راهو جاي
و الشكر ايضا لعاشقة الجزائر على افكارها
احيانا تكون عندنا افكار ما يجيش في بالنا نقولوها لكن لما نلقى مواضيع عليها نتفكروها و نساهمو بها في اثراء الموضوع
بوركتم جميعا حبيباتي

بارك لله فيك رحمة والله فكرة مليحة تسلمي حبيبتي
عاشقة الجزائر تسلمي على الاضافة

ايه فكرة مليحة
بس ما تصلح مع كل الطخات
احنا عندنا في الاعراس
كي ما يطيبش اللحم
تعرفو واش يلوحو في القدر الكبير مع اللحم
زوج مغارف اينوكس
نعم
زوج مغارف يغسلوهم مليح
ويرموهم مع اللحم
وبعدين النتيجة رهيبة
ومن سنوات
وانتن وتجربتكن
موووووووووووووووووووووووووووووح

رحمة ربي واسعة شكر على المعلومة فكرة هايلة بصح القشور ميطلعوش ملفوق ولا الثوم ديريه في قطعة كمخس و تربطيه

الله يبارك راني نقرا في الردود ونستفيد...يعطيك الصحة أخت رحمة ربي على الموضوع

بارك الله فيكم على ألفكار النيرة
ز درك نزيدلكم واحدة شفتها بعيني كان بيت لوستي عنهم وليمة كي ما طابلهمش اللحم دارولو قازوز حمود الأبيض و بالفعل اللحم طاب كي الزبدة و الناس اللي جاو تعشاو كامل عجبهم بزاااااااااااااااااااااااف
و مشكورة سموحة على نشاطك
بورك فيكن جميعا

انا ندير حاجة وديما تصلحلي هي خميرة تاع القاطو ندير شوية وتشوفي النتيجة ندير على قيس اللحم الي عندي والله اللحم يولي زبدة وكدلك الحمص كي ميطيبش نديرلو الخميرة هادي